Qaza'at Notes in Roman English, Urdu, & Hindi language - Jamia Nizamia Model Papers Q & A

Qaza'at Notes in Roman English, Urdu, Hindi | Jamia Nizamia Model Papers Questions & Answers

All Islamic courses notes (click here)

Index

S. No                          Questions

1. Ijtema ki kitni khismein hai tafseel se likhiye

2. Aqde nikah ka tariqa wazahat ke saath likhiye

3. Talaaq ki tareef aur shara’et kya hai likhiye

4. Talaaq-e-Ahsaan,Talaaq-e-badhyi aur Talaaq-e-ba-ain kise kehte hai likhiye

5. Huriyat, diynat, wakeel aur fuzuli kise kehte hai

6. Wali ke iqtiyaar aur ahkaam muffassal likhiye

7. Maher ke ahkaam likhte hue batayiye ke maher-e-musamma aur maher-e-misl kise kehte hai

8. Talaaq ke sifaat ba-eitebaar mauqa wa halaat tafseel se likhiye

9. Talaaq-e-Rajayi,Talaaq-e-sareeh,Talaaq-e-kinaya wazahat se kijaye

10. “Khula”,”Liaan”,”Iddaath -e- wafaat”, "Hazanat” ki wazahat kijiye

11. Hurmat-e-Riza’at ke sharayat likhiye

12. Eila aur Izhaar ke ahkaam tehreer kijiye

13. Nikah ki tareef aur sifaat batlayiye

14. Nikah ke arkaan batate hue alfaaz,Ejaab wa Qubool tehreer kijiye

15. Nafkha ke ahkaam tehreer kijiye

16. Asbab-e-tehreem kitne hai. Tafseelan kijiye

17. Eiddat ke Akhaam bayan kijiye

18. Mafkhuudul-Khabar aur muotod ke mutalaq muqtasar note likhiye

19. Rujaat aur Khula ke ahkaam tafseelan qalam bandh kijiye

All Islamic courses notes (click here)

Qaza'at Notes in Roman English, Urdu, and Hindi language | Jamia Nizamia Model Papers Questions & Answers

1) Ijtema ki kitni khismein hai tafseel se likhiye.

A) Ijtema ki tareef :-

Ek se ziada auratoon ko nikah mein lane ka naam Ijtema hai.

Ijtema ki 2 khismein hai :-

 1) Mohaarim ka jama karna.

 2) Ajnabiyaat ka jama karna.

1)Mohaarim ke jama karne ki tafseel :-

Agde sahi mein 2 baheno ka jama karna haraam hai.

  Aysi do (2) auratoon ka jama karna jinmein aysa rishtaa hoke agar inmein se kisi ek ko mard farz kare toh dusri ispar haraam ho.

Ex :- phuppi aur batiji, agar phuppi ko mard khayaal kare toh isko apni batiji se nikah karna haraam hai ya bhatiji ko mard samjhe to usko apni phuppi se nikah karna haraam hai.

1. Ishi tarha khala bhanji se ekhi waqt mein ya alag-alag taurpar nikah karna haraam hai

2. Ishi tarah pehle khala se nikah kiya thaa phir usko talaaq dekar uski idaat khatam hone se pehle bhanji se nikah kiya toh haraam hoga.

2) Ajnabiyaat ke jama karne ki tafseel :-

1. Azaad mard ko 4 se ziada nikah karna haraam hai.

2. Agar kisi shaks ko 4 auratein thi usmein se ek ko talaaq de diya jabtak uski iddat puri na hogi panchvi se nikah nahi karsakta.

2) Aqde nikah ka tariqa wazahat ke saath likhiye.

A) Mustahab hai ke aqde nikah masjid ke andar kiya jaye.

1. Majlis-e-nikah mein dulha maujood ho aur dulhan ki taraf se wali ya wakeel shareek rahe.

2. Majlis-e-nikah munaqid hojane ke baad dulhan ka wali ya wakeel gawahoon ke saath dulha ke pass jaye aur sunaiye ki mai apni wakalat se iss qadar maher ke badle fala ke bete fala ke saath tumhara nikaah kar deta hoon.In alfaaz ko gawah bhi sunle.

3. Agar dulhan bakera (un married) hai aur ijazat lene wala dulhan ka baap ya dada hai toh dulhan ka khamosh rehna ya bagair awaaz ke rona ya hasna ijazat samjha jayega.

4. Agar dulha sayyiba (married)ho aur ijazat lene wala baap ya dada ke siwa koi aur shaks hoto dulhan ko zuban se kehna chahiye, ke mujhe manzoor hai maine ijazat dedi iske baad khutba-e-nikah ba-awaaz-e-buland padha jaye

 

3) Talaaq ki tareef aur shara’et kya hai likhiye.

A)Talaaq ki tareef :- Istelah-e-fiqah mein khaas Qaid-e-nikah ke duur karne ka naam talaaq hai.

Talaaq ke sharaet :- 4hai.

1. Aurat ka mard ke nikah mein hona.

2. Shauhar ka baligh hona, na-baligh shauhar ki talaaq wakeh nahi hogi.

3. Shauhar ka akhil hona be-akhil aur majnoon ki talaaq sahi nahi.

NOTE1) : Neend ki halaat mein talaaq di jaye to waqeh na hogi.

NOTE2) : Halat-e-nasha mein talaaq dene se talaaq waqeh hojayegi.

4. Alfaz-e-talaaq ka mafhoom samjhna yane ye jaanna ke inn, alfaaz se talaaq hojati hai. Agar ye na janta ho toh talaaq na hogi.

 

4) Talaaq-e-Ahsaan,Talaaq-e-badhyi aur Talaaq-e-ba-ain kise kehte hai likhiye.

A) Talaaq-e-Ahsaan ki tareef :-

Wo talaaq hai jiske masnoon hone par tamaam aaimma ka ittefaaq ho yane shauhar apni biwi ko ek talaaq us paki mein de jismein jima na hui ho.phir doosri talaaq na dein.

Talaaq-e-Badhyi ki tareef :-

Wo talaaq hai jisse ushi waqt nikah toot jata hai.

Talaaq-e-ba-ain ki Tareef:

Wo talaaq hai jisme shauhar ko ruju ka iqtiyaar nahi, kyunke iss talaaq se ushi waqt nikah toot jata hai.

Talaaq-e-ba-ain ki 2 qismein hai :-

1) Khafifa.

2) Ghaliza.

1. Khafifa :-

Khafifa yane ek ya do dafa talaaq di gayi ho toh iddath ke andar ya iddath guzar jane ke baad jadidh nikah kar sakta hai.

2. Ghaliza :-

Ghaliza ya maghallaza wo talaaq jo 3 dafa dijaye aysi talaaq mein phir jadeed nikah nahi kar sakte.

 

5) Huriyat, diynat, wakeel aur fuzuli kise kehte hai.

A)Hurriyat ki tareef:-

“Yane Aazaad hona” agar koi aadmi ya uska baap pehle ghulam tha ab aazad kardiya jaye ho toh who aurat-e-hurraye asliya ka kafuu ho nahi sakta.

Diyanat ki tareef:-

 “Yane Deendari” jo shakhs fasiq ho who aisi aurat ka kafuu nahi ho sakta jo khud bhi parhezgaar hai aur uska baap bhi parhezgaar hai.

 

Wakeel ki tareef :-

Wakeel wo shakhs hai jo kisi doosre ke haq mein uski ijazat se tasarruf karne ka iqtiyaar rakha ho wo wakeel kehlata hai aur jisne iqtiyaar diya hai usko mau-akkeel kehte hai.

Fuzuli ki tareef :-

Fuzuli wo shakhs hai jo na khud dulha hai na dhule ka wali hai na uska wakeel hai aur na khasidh balke apne aapse kisi ka niakh saath kadein.

 

6) Wali ke iqtiyaar aur ahkaam muffassal likhiye.

A) 1.Wali ko iqtiyaar hai ke na-baligh ladke ya ladki ko nikah jabran kardein.

2. Baap, dada ke siwa agar aur koi wali ladki ka nikah gair kufu ke saath kardein toh sahi na hoga.

3. Wali ko baligh ladke ya ladki ka jabran nikah kara dene ka iqtiyaar nahi hai.

4. Agar wali baligh ladki ka nikah uski ittelah aur ijazat ke bagair kadein toh who nikah ladki ki ijazat par marqoof rahega yane agar ladki razi hojaye to nikah sahi hoga agar ladki razi na ho toh batil hojayega.

5. Majnoon ya jiski akhal mein futoor aagaya ho agarche baligh ho magar unka ba-jabran nikah kardene ka iqtiyaar wali ko hasil hai.

6. Baligha ladki gair kufu mard se bila razamandi auliya nikah karlein to ayse nikah ko auliya fasq (Cancel) kara sakte hai.    

7. Agar koi baligh ladki wali ki ittelah aur razamandi ke baghair maher-e-misl se kampar apna nikah kisi ke saath karlein toh wali ko ayteraaz ka haq hasil rahega.

 

7) Maher ke ahkaam likhte hue batayiye ke maher-e-musamma aur maher-e-misl kise kehte hai.

A)Maher wo hai jo bawajeh agde nikah shauhar ki taraf se aurat ko us maweze mein milna chahiye ke usne apne khaas munafe ka shauhar ko malik bana diya.Maher ki 2 khismein hai.

1.Maher-e-musamma:-wo maher hai jo agde nikah ke waqt maayyan kiya gaya hai.

2. Maher-e-misl:-wo maher hai jo aurat ke baap ke kandaan ki unn auratoon ka ho.

 Ex:- Behne,phuphiya,jo umar ke eitebaar se,kubsoorti ke eitebaar se,deendaari ke eitebaar se,taleem,Akhal ke eitebaar se iss aurat jaisi ho.phir maher ke 2 khismein hai.

1. Maher-e-mu-ajjal:- jo agde nikaah ke waqt furran ada kiya jata hai.

2. Maher-e-mu-wajjal:- jo udhar rakha jata hai.

    Maher kam-se-kam 10 dirham ka hona chahiye.Agar koi shakhs 10 dirham se kam bandhe toh 10 dirham dena padhega.Al-batta maher ki zyadati ki koi hadh nahi.Jitna chahe bandh sakte hai.

NOTE-1: 10 dirham (21 gram 264 milligram chandi ka hota hai.)

 

8. Talaaq ke sifaat ba-eitebaar mauqa wa halaat tafseel se likhiye.

A) 1. Haraam hai: Agar talaaq masnoon tarikhe ke qilaaf halaat-e-haiz mein digayi ho.

2. Makruh hai: Agar ba-niyyat nuqsaan pahuchane be-wajah aur be-zarurat dijaye.

3. Mubah hai: Agar kisi aysi wajah se talaaq dijaye ho jo deen se taluq nahi rakhti ho.

4. Mustahab hai: Agar kisi deeni wajah se talaaq dijaye maslan shauhar ko satati ho ya namaaz nahi padhti ho.

5. Wajib hai: Agar talaaq na dene mein jaan wa maal ko nuqsaan ho ya maa baap ne shariyat ke mutabiq talaaq ka hokum diya ho.

9) Talaaq-e-Rajayi, Talaaq-e-sareeh, Talaaq-e-kinaya wazahat se kijaye.

A) 1.Talaaq-e-Rajayi:-wo talaaq hai jismein shauhar ko iddath ke anda ruju ka iqtiyaar hai.Lekin iddath guzar jane ke baad talaaq-e- rajayi,talaaq-e-ba-ain hojayegi aur naya nikah karna zaroori hoga.

2. Talaaq-e-sareeh:- Do (2) alfaaz hai jo sirf talaaq ke hi waaste istemaal hote hai.

Ex:-Main tujhko talaaq di,ya tujhpar talaaq hai tu mutlaqa haietc……

   Agar kisi ne talaaq ko baar-baar kaha.

Ex:-Tujhe talaaq di,talaaq di,ya tujhpar talaaq hai,talaaq hai,talaaq hai.

     Toh aysi surat mein jitni martaba talaaq ka lafz bola jayega utni talaaqein hongi.

3. Talaaq-e-kinaya:- Wo alfaaz hai jo talaaq ke alawa aur mane mein bhi istemaal hota hai.

Ex:- Maine tujhe choddiya, teri jaha khushi ho chali ja,mujhko tujhse koi wasta nahi.

     Toh ayse alfaaz narazi ke waqt bhi bole jate hai aur talaaq ke waaste bhi bole jate hai.

 

10) “Khula”,”Liaan”,”Iddaath-e-wafaat”,”Hazanat” ki wazahat kijiye.

A) Khula:-

1. Biwi se kuch lekar agde nikah ko khatam kardene ka naam khula hai.Jiska tariqa ye hai ke aurat apne shauhar se kahe mera mehar jo tere zimme hai uske badle ya itni rakham ke badle meri jaan chodhde aur shauhar kahe maine chod di.

2. Khula ke baad aurat par iddat lazim aayegi aur iddat ka nafkha shauhar ko dena hoga.

Liaan:-

1. Jab shauhar apni biwi par zina ki tohmat lagaye aur 4 gawah na la sake toh miya biwi ko qazi ke saamne iss tarha qasam khani padhegi.Pehle shauhar iss tarha qasam khaye ke “Main khuda ko gawah karke kehta hoon ke jo tohmat zina ki maine isko lagayi ismein mein sachchahoon”. Iss tarha 4 mataba kahe aur panchvi mataba iss tarha kahe “Agar mai ismein jhoota hoon toh mujhpar khuda ki laanat ho. Iske baad aurat 4 martaba iss tarha kahe “Mai khuda ko gawaah karke kehti hoon ke usne jo tohmat mujhpar lagayi hai,usmein wo joota hai” aur panchvi (5) martaba kahe “Agar wo ismein sachcha hai toh mujhpar khuda ka azab nazil ho”.

2. Iss tarha doono ka qasam khalene ke baad qazi donoo ko alag kadein.

3. Isse ek talaaq-e-ba-ain padh jayegi.

Iddat-e-wafaat:-

1.4 mahine, 10 din hai.Agar aurat hamila ho toh waza-e-hamal (bachcha paida hone) tak hai.

Hazanat:-

Chote bachchoon ke parwarish ko hazanat kehte hai.Hazat mein maa aur maa ke khandaan mukhaddam (pehle) hai.

1. Haq-e-parwarish maa ko hasil hai.

2. Muddate-Hazanat ladke ke liye 7 saal aur ladki ke liye kam se kam 9 saal ki umar tak hai hone tak unko haq hasil rahega.

3. Agar maa ya nani mustahaq e hazanat ho to ladki ke baligh hone tak usko haq hasil rahega.

 

11) Hurmat-e-Riza’at ke sharayat likhiye.

A) Bachche ke doodh peene se doodh ka rishta qayam hojata hai.Magar uske liye chandh shartein hai.

1) Jis bachche ne doodh piya hai uski uma doodh pithe waqat 2 saal ya 2 saal se kam ho.

2) Doodh ka ek khatra bhi halaq ke niche utar jaye toh rishta qayam hojayega.

3) Doodh moo ya naak ke zariye pate mein jaye.

4) Doodh pilane wali aurat ki umar 9 saal se kam na ho.

5) Doodh asli halaat mein pila jaye.

6) Doodh kisi khane ki cheez mein milakar na khilaya jaye.

7) Agar doodh ko dawa ya paani mein milakar pilaya jaye toh usmein doodh ka hissa zinda ho toh rishta qayam hojayega.

 

12) Eila aur Izhaar ke ahkaam tehreer kijiye.

A) Eila:- Agar koi shaks ye qasam khale ke mai 4 ya 5 mahine tak apni biwi se jima na karoonga.Aysi qasam ko “Eila” kehte hai.

   1. Agar wo shakhs 4 mahine ke andar qasam todhdein to usko kaffara dena honga, uska kaffar ye hai ke 10 miskino ko 2 waqt pate bhar khana khilana, ya kapde dena ya phir pai-dar-pai 3 roze rakhna.

   2. Agar wo shakhs apni qasam par qayam raha 4 mahine tak jima na kiya toh uski biwi par ek talaaq-e-ba-ain waqia hogi.

   3. 4 mahine se kam muddat ki qasam khaye toh eila nahi hota.

Izhaar:- Apni biwi ko kisi aysi aurat se tash bhi (compare) dena jo uspar hamesha ke liye haraam hai.

Ex:- Biwi se kehna ke tu meri maa ke jaisi hai,tu meri behan ke jaisi hai, meri beti ke jaisi hai to izhaar sabit hoga.

1. Agar koi shakhs apni biwi ko ubhaar ne ke liye, uski izzat badhane ke liye aysa kahe toh izhaar na hoga.

2. Agar talaaq ki niyyat se kahe toh ek talaaq hojayegi.

3. Izhaar ka kaffar, roze ke kaffare ki tarha hai. Yane ghulaam azaad karna ya 60 miskino ko 2 waqt ka payt bhar khana khilana, ya ekhi aadmi ko 2 mahino tak payt bhar khana khilan

 

13) Nikah ki tareef aur sifaat batlayiye.

A) Nikah ki tareef:-

Nikah ke lagvi mane jima ke hai aur istelah-e-fiqah me ek maqsoos aqdh ka naam hai. Jisse mard khasdan aur aurat se nafa uthaa sakta hai.

Nikah ke sifa’at:-

1. Agar jima ki khawahish na bahut ziada ho na bilkul kam aysi halat mein nikah karna “Sunnat-e-maukada” hai.

2. Agar jima ki khawaish itni zyada hoke nikah na kiya jaye to zina mein mubtela hojana ka khawf hai toh aysi halaat mein nikah karna “wajib” hai.

3. Agar jima ki khawhish bahut ziada ho agar nikah na kiya jaye toh zina mein mubtela hojane ka pakka yakeen ho jaye toh aysi halaat mein nikah karna “farz” hai.

Note: Aur in Teeno suratoon mein bhi biwi ke huqooq ada karna shart hai.

4. Agar biwi par zulum ka khauf ho aur uske hukooqh ada na karne ka kauf ho to aysi halat mein nikah karna “Makhruh-e- tehrimi” hai.

5. Agar biwi par zulum ka pakka yakeen ho toh karna “Haraam” hai.

 

14) Nikah ke arkaan batate hue alfaaz, Ejaab wa Qubool tehreer kijiye.

A) Nikah ka sirf ek rukun hai.Ejaab wa Qubool. Ejaab wa Qubool uss guftugu ko kehte hai jo mard aur aurat me ba- ham ta’alluq zaujiyaat paida karne ke liye ho aur iske sahi hone ke liye kuch shartein hai.

1. Ejaab wa Qubool doono ka ya doono me se ek ka maazee ka lafz se adaa hona.

2. Ejaab wa Qubool doono ka ba-zariye lafz ada kiya jana agar ba-zariye fail kiya jaye toh sahi nahi hoga.

NOTE:- Tehreer bhi lafz ke hukum mein hai ba-sharte ke likhne wala waha maujood naho.

3. Ejaab ke ebaarat puri ada hone ke baad qubool ki ebaarat ka ada hona chahiye.

4. Ejaab wa Qubool doono ka ek hi majlis main ada kiya jaye.

5. Qubool ka Ejaab ke mukhalif na hona.

6. Akhidian mein se har ek ka dusre ke kalaam ko sunna.

 

15) Nafkha ke ahkaam tehreer kijiye.

A) Khana, kapda, aur rehne ke liye makaan ko “Nafkha” kehte hai.

1. Biwi ka nafkha shauhar par wajib hai.

2. Agarche shauhar muflis wa mohtaj ho nafkha zaujain ke hazbe-haal wajib ho.

3. Agar usmein ka ek ameer aur ek dusra gareeb ho to mutawassit nafkha wajib hoga.

4. Talaaq ki iddath mein bhi nafkha wajib hai.basharte ke biwi shauhar ke ghar mein rahe wafaat ke iddath mein nafkha wajib nahi.

5. Agar aurat hamela ho toh wazeh hamal tak usko nafkha marhoom shauhar ke maal se diya jayega.

 

16) Asbab-e-tehreem kitne hai. Tafseelan kijiye.

A) Asbab-e-tehreem 9 hai:-

1. Nasabi rishta

 2. Susrali rishta.

 3. Doodh ka rishta.

 4. Ejtema.

 5. Milk.

 6. Biwi par laundi lana.

 7. Shirk.

8. Mutallaqa-e-salasa qable tehleel.

9. Mankuha aur mo’taddah.

1) Nasabi rishta ki 7 auratein haraam hai:-

Ex:- Maa, Beti, Behan, Phuppi, Khala, Bhatiji, aur Bhanji.

2) Susrali rishta:-

 Susrali rishte ke hazbe zail auratein haraam hai.

Ex:- Us aurat ke ossul jisse sirf nikah hua ho.

1. Us aurat ke osuul jisse najaiz taur par sohbat ki gayi ho.

2. Us aurat ke furuh jisse nikah hone ke baad sohbat bhi ho chuki ho.

3. Us aurat ke furuh jisse na-jaiz taur par sohbat ki gayi ho.

3) Doodh ka rishta:- Muddate mukharrara ke andar kisi aurat ka doodh pine ka raza’at kehte hai aur doodh pilane waali aurat bachche ki raza-e-maa aur uska shauhar raza-e-baap hai aur uski aulaad raza-e-bhai-bahan hai.

4) Ejtema:- Agde sahi mein do bahino ka jama karna haraam hai shariyat ne jis qadar nikahoon ki ijazat di gayi unse ziada nikah karna haraam hai.

5) Milk:- Jo aurat kisi ghulam ki maleka ho usko apne ghulam ke saath nikah karna haraam hai.

6) Biwi par laundi lana:- Yane azaad aurat ke nikah mein hote hue laundi se nikha karna jaiz na ho.

7) Shirk:- Mushrika aur majuusiya auratoon se nikah karna na-jaiz aur murtaddah se bhi nikah na-jaiz hai.

8) Mutallaqa-e-salasa qable tehleel:-

Jo shakhs apni biwi ko 3 talaaq dedein toh use aurat se dubara nikaah karna haraam hai.Ye aurat iddath khatam hone ke baad doosre se shadi karlein aur dusra shauhar bhi usko talaaq dedein toh iddath guzame ke baad pehla shauhar usse nikah kar sakta hai.

9) Mankuha wa mo’taddah:-

Jo aurat kisi ke nikah mein ho ya iddath mein ho usse nikah karna haraam hai.

 

17) Eiddat ke Akhaam bayan kijiye.

A) Iddath ki 3 khismein hai.

 1. Iddath-e-talaaq.

 2. Iddath-e-fasq-e-nikah.

 3. Iddath-e-wafa’at.

1) Iddath-e-talaaq:-

Madhqula(shadishuda) aurat ke liye 3 haiz ya 3 mahine mukarrar hai aur gair madhqula ke liye iddath wajib nahi hai aur agar aurat hamila ho toh uski iddath wazahe hamal tak hai.

2) Iddath-e-fasq-e-nikah:-

 Ye bhi iddath-e-talaaq ke barabar hai.

3) Iddath-e-wafa’at:-

4 mahine 10 din hai agar hamila ho toh wazahe( birth) hamal tak hai.

 

18) Mafkhuudul-Khabar aur muotod ke mutalaq muqtasar note likhiye.

A) Agar kisi aurat ka shauhar la-pata hogaya ho aur uske zinda rahne ya marne ki khabar na mile toh uski tariq-e-paidaish ke hisaab se 90 saal intezaar kare ya usse hamumar mar jayein toh haakim tafreeq ka hukum de aur aurat wafa’at ki iddsth puri karein.

1.Hazart-e-imam-e-Maalik ke nazdik 4 saal guzar jaye toh haakim tafreeq karde, phir aurat iddath khatam karke dusra nikah karle aur fatwa bhi ishi par hai.

2. Agar koi shakhs islaam se phir jaye to uska nikaah toot jata hai.

3. Miya biwi mein se kisi ek ki zubaan se Kalma-e-kufr nikal jaye to tauba karke musalmaan hona aur naya nikah karna zaroori hai.

4. Agar miya biwi doono musalmaan hojaye toh wahi nikah bakhi rahega. Joh halaat-e-kufr mein huwa tha.

 

19) Rujaat aur Khula ke ahkaam tafseelan qalam bandh kijiye.

A) Khula:- (Refer from question number : 10)

Ruja’at ki tareef:-

 Biwi ko ek ya do talaaq dekar phir iddath ke andar ruju karne ka naam Ruja’at hai.

1. Ruja’at sirf talaaq-e-Rajayi mein ho sakta hai.

2. Ruja’at mein aurat ki razamandi ki shart nahi hai.

3. Gawahoon ki maujoodgi ki bhi zaruri nahi hogi.

4. Ruja’at khauli aur faili dono tarha durust hai.

  Khauli yane shauhar apni biwi se kahe main talaaq se ruju karta hoon.

  Faili yane biwi se jima karein.

 All Islamic courses notes (click here)

 

EXTRA NOTES:-

1. Ummul Momineen Hazrat Khadija tul Kubra (Radhiyallahu Anha) 12.5 auqia (1063 gram 21 milligram sone (Gold)
2. Ummul Momineen Hazrat Sauda (Radhiyallahu Anha) 400 Dirham (850 gram 57 milligram chandi (Silver)
3. Ummul Momineen Hazrat (Radhiyallahu Anha) 400 Dirham (850 gram 57 milligram chandi (Silver)
4. Ummul Momineen Hazrat (Radhiyallahu Anha) 400 Dirham (850 gram 57 milligram chandi (Silver)
5. Ummul Momineen Hazrat (Radhiyallahu Anha) 100 Dirham (850 gram 57 milligram chandi (Silver)
6. Ummul Momineen Hazrat (Radhiyallahu Anha) 400 Dirham (212 gram 64/25 milligram chandi (Silver)
7. Ummul Momineen Hazrat (Radhiyallahu Anha) 400 Dinaar (1215 gram 10 milligram sone (Gold)
8. Ummul Momineen Hazrat (Radhiyallahu Anha) 400 Dirham (850 gram 57 milligram chandi (Silver)
9. Ummul Momineen Hazrat (Radhiyallahu Anha) 400 Dirham (850 gram 57 milligram chandi (Silver)
10. Binte Rasool Sayyadatunnisa Hazrat Fatima tuz Zahra (Radhiyallahu Anha) 400 Mithqal nakhra