Pursukoon Zindagi ke Raaz | Secrets of a relaxed life in Islam Roman English

Nahmaduhu Wa Nusallimu ‘Ala Rasoolihil Kareem, Aouzubillahi Minash Shaitaw-nir-rajeem, Bismillahir Rahmanir Raheem.

Pursukoon Zindagi ke Raaz:-

"Zindagi Allah ke liye guzarni chahiye dusron ke liye nahi"

Aap khud Apni Zindagi ka jayeza/muhasaba kijiye (Self Assessment) ke zindagi kahan aur kaise guzarri.

Aaj hamari zindagi mein Allah nahi hai isliye hum pareshan zindagi basar kar rahe. Hum sirf duniya ke liye, Izzat, shaan wa shawkat, logon ke liye, nafs wagaira ke liye jee rahe hai, wo kaise agar hum aise nahi kare ya aysa kare to falah loog, duniya waale kya kahenge? kya samjhenge? etc? etc...

Jab tak hamari zindagi me Allah nahi hai hum murda zindagi jeerahe hai.

Zindagi Allah ke liye guzare. Har jaiz paak kaam Allah ki Raza ke liye kare dusron ke liye nahi.

Agar Allah ke liye hum Amal (Ibadaat (Namaz, Roza etc), Job, Ghar ke kaam, office work, khidmat e khalq, other work etc) kare to uska faida pakka hai (duniya mein bhi aur Aakhirat me bhi) kamse kam 10-700 % nekiyon ka Sawab milta hai iska daromadar "good intentions (acchi niyyatein) aur aspirations (khwahishaat)" par hai. Jab hum Allah ke liye jeete hai to ek ajeeb Khushi mehsoos hoti hai, zindagi pursukoon hone lagti hai, hum hamesha Allah se qareeb hote rahte hai, phir zindagi tensions mein bhi pursukoon guzarne lagti hai. Allah ke liye Jeena sikho.

Beshak Allah ke Zikr se hi Dilo ko sukoon milta hai (Surah Ar Ra'ad 13, Verse: 28)

Lehaza Allah ke Zikr mein aur Allah ke liye zindagi guzarna shuru kardo isme hi "dono Jahan ki Izzat, Barkat, Khushi, Aafiyat, Sukoon aur kamiyabi hai". Agar dusre logon ke liye, duniya wa nafs ke liye hai to phir "dono Jahan ki zillat, bechaini, bebarkati aur nakaami wagaira" aapka muqaddar hai. 

Ab faisla aap ke haath me hai ke zindagi kiske liye guzare Allah wa Rasool ki ita'at mein mohabbat wa khushu ke saath, ya dusron ke liye, duniya, nafs wagaira ke liye.

Apne Dilon aur Ruh ko Allah ke Zikr se, Faraiz, Wajibaat, Sunnat, Nawafeel ki takmeel, Astagfaar aur Durood Shareef ki kasrat se paak wa saaf kariye.

Zindagi aasaan nahi hai, har haal mein Allah se Razi rehna sikho aur sabr wa shukr ke saath jeena sikho.

Hamari Zindagi ka ek ek lamha intehahi qeemti hai Aakhirat ki zindagi ko acche se set karne ke liye, is duniya mein Jo boyega wohi wahan katega.

Islam ke 5 Categories hai:-

1. Aqaaid (20% Islam hai)

2. Ibadaat (20% Islam hai)

3. Akhlaqiyat (20% Islam hai)

4. M'amulaat (20% Islam hai)

5. Ma'yeeshat (20% Islam hai)

Iska ilm hasil kar ke mukammal Islami zindagi guzare aur dono Jahan ki kamiyab haasil kare.

🤲 Dua hai ke Allah Subhana wa T'ala Hum sab ko Ikhlas ke saath Amal karne ki tafeeq ata farmaye aur dono Jahan me khush wa qamiyab rakhe, Aameen summa aameen bijahi taw ha wa yaseen wal Humdulillahi Rabbil Aalameen.