Ek Bete Ko Waalid Ki Behtareen Naseehatein

1. Cigarette Noshi Se Bacho

2. Biwi Ke Intekhaab Mein Bahot Door Andeshi Se Kaam Lo Kyunki Tumhari Khushi Ya Ghami Ka Daaromadaar 90% Isi Par Hota Hai.

3. Bahot Sasti Cheezein Mat Khareedo.

4. Bacchon Ko (Shar'ee Aur Islaami Ri'aayat Ke Saath) Un Ke Mizaaj Aur Pasand Ka Khayaal Rakho Taake Bachche Aap Se Qareeb Tar Ho Sake. 

5. Tanqeed Karne Waalon Ke Peeche Padkar Apna Waqt Barbaad Mat Karo.

6. Kisi Siyaasatdaan Par Kabhi A'etemaad Mat Karo.

7. Jab Kisise Gaadi Aur Udhaar Lo To Poora Tel Bhar Kar Hi Waapas Karo.

8. Mobile Kahin Tumhaari Zindagi Ke Khoobsurat Lamhaat Mein Dakhal Andaaz Na Ho Kyunki Mobile Tumhaari Apni Raahat Aur Sukoon Ke Liye Hai Na Ke Doosre Ki.

9. Kaam Mukammal Karne Se Pehle Mazdoori Na Do.

10. Jo Tumse Zyada Maaldaar Ya Gareeb Ho Uske Saamne Apni Daulat Ka Tazkaraah Na Karo.

11. Doston Ko Qarz Dene Mein Muhtaat Raho Aur Utna Hi Qarz Do Ke Agar Wo Tumhe Waapas Na De To Tumhaari Dosti Par Asar Na Kare, Zyada Qarz Dene Se Mumkin Hai Qarz Aur Dosti Dono Se Haath Dho Baitho.

12. Mukhaatib Se Uski Tankhwaah Ke Muta'alliq Mat Poocho.

13. Har Cheez Likh Liya Karo, Apne Dimaag Par Hamesha Bharosa Mat Karo.

14. Sazaa Uske Jurm Ke Mutaabiq Do.

15. Qarz Use Do Jo Bagair Maange Waapas Kar De.

17. Kisi Se Ikhtelaaf Ya Bahas O Mubaahise Ke Waqt Apne Akhlaaq Aur Saleeqah Mandi Ka Daaman Na Chhodo.

18. Apne I'lm Ko Phailaao Aur Logon Ko Us Se Faayda Pahunchao Kyunki Hamesha Zinda Rehne Ka Yahi Waahid Raasta Hai.

19. Apni Zaati Ya Maali Tafseelat Ka Izhaar Baqadar E Zaroorat Hi Karo.

20. Agar Koi Tumhaare Dost Ki Ta'areef Kare To Apne Dost Se Zaroor Iska Zikr Karo.

21. Agar Koi Tumhaare Saath Bad Salooki Kare To Tum Uske Badle Uske Saath Ehsaan Karke Sabaq Sikhaao.

22. Shaadi Us Se Karo Jo Maal O Daulat Mein Tumhaare Barabar Ya Tumse Kamtar Ho.

23. Koi Cheez Jab Tumhe Do Baar Udhaar Lene Ki Zaroorat Pade To Wo Cheez Baazaar Se Khareed Lo.

24. Rozana Aadha Ghanta Chahal Qadmi Karo.

25. Tumhaari Ghadi Waqt Se Paanch Minute Aage Rehni Chaahiye.

26. Tasann'au Aur Banaawat Se Door Raho.

27. Ma'amooli Cheezon Par Bahas O Takraar Mat Karo.

28. Kisi Ke Saath Ehsaan Karo To Bhool Jao, Badle Mein Husne Sulook Ki Ummeed Mat Rakho.

29. Jahan Bhi Raho Wahaan Apna Accha Asar Chhodne Ki Koshish Karo.

30. Yaad Rakho, Acche Dost Zindagi Ka Asaasa Hote Hain.

31. Chhote Behen Aur Bhai Ko Waalid Ki Nazar Se Dekho Aur Unhe Apni Aulaad Samjho.

32. Behen Bhai Mein Kabhi Muqaable Ki Fiza Mat Banao, Tumhaara Unse Bartar Hona Ya Kamtar Hona Tumhaare Haath Mein Nahi Hai.