Noor Ul Eizah - Diploma in Arabic Part 2

Solved Model Paper Question and Answer

1. Ghusul ke Faraiz, Sunnatein aur Ghusul ke aadaab, Wuzu ke Faraiz aur jin cheezein se Wuzu toot ta hai qalam bandh karein.

2. Tayammum ke Sharayat aur mukammal tariqa likte huye bataye ke pani ek meel duur hone ki surat mein Tayammum karna kaisa hai.

3. Mashu alal khuffain (Mauzoo par masah) ki tafsilaat batate huye muqeem aur musafir ke silsile mein mazkorah bahez tahreer karein.

4. Najasat e Galiza aur Khafifa mein darj hone wali ashiyaan aur unke ahkam bayan karte huwe zameen aur talwar ki taharat ka tariqa likhiye.

5. Haiz, Nifas aur Istehazah ki tareef likhiye aur har ekke ahkam bayan kijiye. Halat e Haiz aur Nifaas me kitne umur mamnu hai.

6. “Al miyahul lati yajuzu attatheru bihasaba tu miyahin” iska tarjuma karte huwe pani ke tamam aksam mufassalan darj kijiye.

7. Moujibaat e ghusul aur wo cheezein jinse ghusul wajib nahi hota bayan ki jiye.

8. Wuzu, ghusul aur Namaz ke sharayat, arkan, wajibaat, tayammum ke faraiz aur tariqa likho.

9. Chote Kunwe ki paki ke masael aur usmein waqhe hone wali najasat aur ghirne wale haiwan ke ahwal se saair hasil bahes kijiye.

10. Maye khaleel wa kaseer ki tafseel aur kunwe ke ahkam likho.

11. Roze ki tareef, qismein aur faraiz batayiye.

12. Roze ka kaffara aur uske ahkaam likho.

13. Sajda Sahu ke masael likhiye.

Noor Ul Eizah - Diploma in Arabic Part 2

Q1) Ghusul ke Faraiz, Sunnatein aur Ghusul ke aadaab, Wuzu ke Faraiz aur jin cheezein se Wuzu tootha ahi qalam bandh karein.

A) Ghusul mein 11 cheezein farz hain:-

1. Andar se muh ka dhona.

2. Naak ka dhona.

3. Naaf ka dhona.

4. Tamaam badan ka ek martaba dhona.

5. Kaan aur naak ke surakh ka dhona.

6. Mard ka apne gundhe huye balloon ke andar ke hisse ka dhona.

7. Dadhi ke niche ki jild ka dhona.

8. Munchoon ke niche ki jild ka dhona.

9. Bhaoon ke niche ki jild ka dhona.

10. Farje kharij ka dhona.

Ghusul ke Aadaab:-

Wuzu ke jo aadaab hai wohi ghusul ke aadaab hai, albatta ghusul karne wale qible ki taraf muh na kare.

Ghusul mein 12 cheezein sunnat hai:-

1. Allah ke naam se shuru karna.

2. Ghusul ka irada karna.

3. Haathoon ka paunchoon tak dhona.

4. Na-paaki ka dhona agar wo alag alag lagiho.

5. Sharmgah ka dhona.

6. Uske baad wuzu karna.

7. Pure sar ka masah karna.

8. 3-3 martaba pani ko apne tamaam badan par bahana.

9. Pani bahane mein sar se agaaz karna.

10. Sarke baal dahena mondha, phir bahena mondha dhona.

11. Apne badan ko malna.

12. Apne ghusul ko lagataar karna.

Wuzu ke faraiz:- Wuzu mein 4 farz hai.

1. Chahare ka dhona.

2. Dono haatoon ka koniyoon samayth dhona.

3. Dono pairoon ka taknoon samayth dhona.

4. Sar ka masah karna.

12 Cheezoon se Wuzu toottha hai:-

1. Sabilain se kisi cheez ka nikalna.

2. Baghair khoon se paidaish hona.

3. Badan ke kisi hisse se khoon ya peep nikal kar behjana.

4. Muh bhar qhai karna.

5. Thook par khoon ka ghalib aana.

6. Karvat sona.

7. Behoshi.

8. Junoon.

9. Nasha.

10. Baligh Aadmi ka Namaz mein zoor se khahekha lagana.

11. Mubashiraat e Fahisha..

12. Paikhana ya paishab ki rah se kisi cheez ka nikalna.

_____________________________________________________________

Q2) Tayammum ke Sharayat aur mukammal tariqa likte huye bataye ke pani ek meel duur hone ki surat mein Tayammum karna kaisa hai.

A) Tayammum ke 8 Sharayat hain:-

1. Niyyat karna.

2. Aysa uzr hona jo Tayammum ko mubah karne wala ho, maslan pani ek meel se duur hona, koi marz ya sardi ya dushman ka khauf ya Namaz e Janaza ye Eid ki Namaz chootne ka khauf hona.

3. Masah ki jagah par aysa masah barna ke baal barabar bhi jagah baqhi na rahe.

4. Paak mitti, ya pathar, ya zameen ki jins par Tayammum karna.

5. Haath ke aksar hisse se masah karna.

6. Doo zaroon ke saath Tayammum karna.

7. Haiz ya Nifaaz ya hadas ka bandh hona.

8. Aaza e Tayammum par moom, charbi waghairah ka na hona.

_____________________________________________________________

Q3) Mashu alal khuffain (Mouzoon par masah) ki tafsilaat batate huye muqeem aur musafir ke silsile mein mazkorah bahez tahreer karein.

A) Mouzoon par masah karna hadas e asghar me mard aur aurat dono ko jayez hain.

Mouzoon par masah ke Jayez hone ki 7 shartein hain:-

1. Dono Mouzoon ka pairoon ko dhone ke baad pahenna.

2. Mouzoon ka thakhnoo ko chupana.

3. Un Mouzoon ko pahenkar lagataar 3 ya 4 meel chalna.

4. Donoo Mouzoon ka kisi phatan se khali hona jo payr ki choti ungiliyoon mein se 3 ungiliyoon ki migdaar ho.

5. Baghair baandhe unka pairoon par lag jana.

6. Badan tak pani ke pahunchne se un donoo ka mane hona yane pani andar na pahuch sake.

7. Haath ki choti ungiliyoon mein se 3 ungiliyoon ke barabar pair k eagle hisse ka baqhi rehna.

Note:- Muqheem ek din ek raat tak masah kar sakta hai. Aur musafir 3 din 3 raat tak masah kar sakta hai.

_____________________________________________________________

Q4) Najasat e Galiza aur Khafifa mein darj hone wali ashiyaan aur unke ahkam bayan karte huwe zameen aur talwar ki taharat ka tariqa likhiye.

A) Najasat e Galiza hasbe zail hain:-

1. Sharaab.

2. Behne wala khoon.

3. Murdaar ka ghosht

4. Murdaar ki kacchi khaal.

5. Haraam jaanwaroon ka paishab.

6. Khutte ka paikhana.

7. Darindoon ka paikhana.

8. Darindoon ka luaab thook.

Najasat e Khafifa hasbe zail hain:-

1. Ghode ka paishaab.

2. Halaal jaanwaroon ka paishab

3. Haraam parindoon ki beet.

4. Najasat e Galiza mein ek dirham ki miqdaar maaf hai.

5. Najasat e Khafifa mein chauthayi kapde ya chauthayi badan ke barabar maaf hai.

6. Talvaar aur us jaisi cheezein poch dene se paak hojati.

7. Zameen ssokh jaane se paak hojati hai, uspar Namaz padhna jayez hai. Al-batta Tayammum karna jayez hai. 

_____________________________________________________________

Q5) Haiz, Nifas aur Istehazah ki tareef likhiye aur har ekke ahkam bayan kijiye. Halate Haiz aur Nifaas me kitne umur mamnu hai.

A) Farj se Haiz Nifaas aur Istehazah kharij hota hai.

Haiz ki tareef:- Haiz wo khoon hai jisko aysi baligh aurat ka raham kharij kare, jisko na koi marz ho na hamal ho. Haiz ki muddat kam se kam teen din aur darmiyani paanch din ziada se ziada das din hai.

Nifaas ki tareef:- Nifaas wo khoon hai jo wiladat ke baad kharij ho. Nifaas ki muddat ziada se ziada 40 din hain.

Istehazah ki tareef:- Istehazah wo khoon hai jo 3 din se kam ya haiz ki surat mein 10 din se ziada ho aur nifaas ki surat mein 40 din se ziada ho.

Haiz wa Nifaas se 8 cheezein haram hojati hai:-

1. Namaz.

2. Roza.

3. Quran ki ayat ka padhna.

4. Baghair juzdaan ke Quran ko choona.

5. Masjid mein jana.

6. Tawaaf karna.

7. Jima karna.

­­­­­­­­­­­­­­­­­­­­­­­­_____________________________________________________________

Q6) “Al miyahul lati yajuzu attatheru bihasab a tu miyahin” iska tarjuma karte huwe pani ke tamam aksam mufassalan darj kijiye.

A) 7 Qisam ke pani se paki hasil karna jayez hai.

1. Asmaan ka pani.

2. Samandar ka pani.

3. Nadi ka pani.

4. Kuve ka pani

5. Barf se pigla huwa pani.

6. Oole ka pani.

7. Chasmein ka pani.

Taharat, najasa, karahiyat ke aytebaar se pani ki 5 qismein hai.

1. Wo pani jo khud paak hai aur dusri cheez ko paak karta hai, wo mutalaq pani hai.

2. Wo pani jo khud paak hai aur dusri cheez ko karahiyat ke saat paak karne wala hai, wo pani hai jisko billi ne ya billi jaisa koi jaanwar ne piya ho, jab ke wo thoda ho.

3. Wo pani jo khud paak hai magar dusri cheez ko paak karne wala nahi hai wo pani hai jo istemal kiya gaya ho.

4. Na paak, yane jismein najasat giriho aur wo pani thaira huwa thoda ho.

5. Mashqooq, yane wo pani hai jiske paak hone mein shak kiya gaya ho jaise ghade ka jhota, ya khachaar ka jhota.

_____________________________________________________________

Q7) Moujibaat e ghusul aur wo cheezein jinse ghusul wajib nahi hota bayan ki jiye.

A) 7 cheezoon se ghusul wajib hota hai:-

1. Mani ka kharij hona.

2. Hashfa ka chup jana

3. Wati ke baad mani ka inzaal hona.

4. Sone ke baad patle pani ka paya jana.

5. Nasha aur behoshi se efakhe ke baad tari ka paya jana.

6. Haiz.

7. Nifaas.

In cheezoon se ghusul wajib nahi hota:-

1. Mazi.

2. Wadi

3. Ehtelaam baghair tari ke.

4. Wiladat baghair khoon ke.

5. Moota kapda lappet kar zakr ka dakhil karna.

6. Hookna

7. Sabilain mein se kisi ek mein ungli ka dakhil karna.

8. Kisi jaanwa se wati karna lekin inzaal na ho.

9. Baakera aurat se Jima karna lekin inzal na ho.

_____________________________________________________________

Q8) Wuzu, ghusul aur Namaz ke sharayat, arkan, wajibaat, tayammum ke faraiz aur tariqa likho.

A) Wuzu mein 4 farz hai:-

1. Chehara dhona (Laambayi mein peshani se lekar thuddi ke neeche tak aur choudayi me donoo kanoo ki lauoon tak).

2. Dono haath koniyoon samayt dhona.

3. Sar ka masah karna.

4. Donoo payr takhnoo samayt dhona.

Ghusul mein 3 Farz hai:-

1. Kulli wa gharara karna (agar Roza hoto gharara na kare).

2. Naak mein pani chadakar chidakna.

3. Tamaam jism mein pani bahana.

Tayammum mein 3 Farz hai:-

1. Niyyat karna.

2. Dono haath paak mitti ya paak mitti se bani cheez par maar kar chahre par malna.

3. Donoo haath pak mitti ya mitti se bani cheez par maar kar dono haath kohniyoon samayt malna.

Sharayat e Namaz 7 Hain:-

1. Badan ka paak hona.

2. Kapdoon ka paak hona.

3. Namaz ki jagah ka paak hona.

4. Satr e aurat ka dhakna.

5. Qible ki taraf muh karna.

6. Niyyat karna.

7. Namaz ka waqt hona.

Faraiz e Namaz 7 hain:-

1. Takbeer e Tahrima yani Allahu Akbar kehna.

2. Qiyaam yani khada hona.

3. Qirat yani kuch Quran padhna.

4. Ruku yani jhukna.

5. Sujood yani naak aur peshani zameen par rakhna.

6. Qaida yani Namaz ke aakhir mein baithna.

7. Qasdan Namaz khatam karna.

Wajibaat e Namaz 12 hain:-

1. Sureh Fateha ka padhna.

2. Zamme sureh ka padhna,

3. Sureh fateha ke alawa koi aur surah padhna

4. Farz Namaz ki pehli doo rakatoon ko qirat ke lia muqarrar karna.

5. Tarteeb ka lehaz rakhna.

6. Tadeel e Arkan.

7. Qaida e Oola.

8. Tashahud.

9. Qirat e Jehri.

10. Namaz ke khatm par “Assalamualaikum wa Rahmatullah kehna.

11. Vitr ki Namaz mein dua e Qunoot padhna.

Qirat e sirri,

12. Takbeeraat e Eidain.

_____________________________________________________________

Q9) Chote Kunwe ki paki ke masael aur usmein waqhe hone wali najasat aur ghirne wale haiwan ke ahwal se saair hasil bahes kijiye.

A) Agar kisi chote kunwe mein khoon ya paishab ka khatar ghir jaye ya khinzeer gir ke zinda nikal jaye ya khutte, bakri ya aadmi ke marjane se tamaam pani nikala jayega. Agar tamaam pani nikalna mumkin na hoto 200 dool nikale jayeinge.

Murgi ke jaisa koi jaanwar mar jaye to 40 dool nikale jayeinge.

Chuha ya chuhe ke jaisa koi jaanwar mar jaye to 20 dool nikalna lazmi hai.

Kuwa, mengani, makkhi, bichoo ke marne se na-paak nahi hota.

Khacchar, gadha, shikari parindoo aur waheshi jaanwaroo ke girne se na-paak nahi hota.

_____________________________________________________________

Q10) Maye khaleel wa kaseer ki tafseel aur kunwe ke ahkam likho.

A) Aabe khaleel wo pani hai jo kaseer na ho yane dah dardah se kam ho.

Aabe khaleel thodi si najasat girne se na-paak ho jata hai, maslan ek khatra sharaab ka, ya paishaab ka ya khoon ka ya zara sa paikhana.

Aabe kaseer wo pani hai jiski ek taraf harkat dene par dusri taraf uska asar na ho. Jo pani 10 ghaz lambaan mein aur 10 ghaz chaudaan mein ho wo aabe kaseer hai. Aabe kaseer, aabe jaari ke hukum mein hai.

Agar aabe kaseer mein koi aysi najasat gire jo nazar na aati ho maslan sharab ya paishab waghaira to uske har janib wuzu wa ghusul durust hai aur jo nazar ati ho jaise paikhana, murda jaanwar waghaira to uski dusri janib ya najasat ki jagah se 4 ghaz hatt kar wuzu aur ghusul karna chahiye.

_____________________________________________________________

Q11) Roze ki tareef, qismein aur faraiz batayiye.

A) Roze ki tareef:- Subah sadiq se ghuroob e aftab tak ba-niyyat ibadat khane pine aur jima se baaz rahne ka naam roza hai.

Roze ke 8 Qismein hai:-

1. Farz e Moayyan:- yane Ramzan ke adayi roze.

2. Farz e Ghair Moayyan:- yane mahe Ramzan.

3. Wajib e Moayyan:- yane nazr e moayyan ke roze.

4. Wajib e ghair Moayyan:- Wajib e ghair Moayyan ke roze aur jin rozoon koo shuru karke toodh diye ho unki qaza.

5. Sunnat:- Ashore ka roza aur uske 7vi ka roza bhi, Arfa’ ka roza, ayyam e Baiz- yane har mahine ki 13,14,15 tareeq ke roze.

6. Nafeel:- Shawwal ke 6 roze, mahe shabaan ki 15vi ka roza, juma ka roza, peer ka roza, jumerat ka roza, saume dawoodi.

7. Makruh e Tanzihi:- Sirf Ashure ka roza rakhna, sirf haft eke din ka roza rakna, hamesha roza rakhna, aurat ko shohar ki ijazat ke baghair nafeel roza rakhna makruh e Tanzihi hai.

8. Makruh e Tehrimi:- 1) Eidul Fitr ke din roza rakna. 2) Eidul Azha ke din roza rakhna. 3) Ayyam e Tashriq yane Haj ke Mahine ki 11,12,13vi ka roza rakhna.

Roze ke 3 Farz hai:-

1. Subah sadiq ke tulu se gurub e aftab tak kuch na khana.

2. Subah sadiq ke tulu se gurub e aftab tak kuch na pina.

3. Subah sadiq ke tulu se gurub e aftab tak kuch jima na kare.

_____________________________________________________________

Q12) Roze ka kaffara aur uske ahkaam likho.

A) Rozedaar ka aysi cheez ko jo gizha ke taur par istemaal hoti hai ya dawa ke taur par istemaal hoti ho ya lazzat ke liye istemaal ki jati hai khasdan khalena ya pilena aur khasdan jima karna.

Agar kisi ne surma lagaya ya tayl (oil) lagay ya miswak kiya phir ye samjhna ke isse uska roza tooth gaya hoga, khasdan khaliya piliya ya jima karliya to in suratoon mein usko qaza aur kaffara wajib hote hai.

Kaffara wajib hone ki shartein:-

1. Rozedaar ka aakhil wa baligh hona.

2. Roza mahe Ramzan ka adaa e roza hona.

3. Roze ki niyyat raat se ki ho.

4. Bimari ya haiz ya nifaas waghaira majboriyaan ke baghair roza todha gaya ho.

Roza todhne ka kaffara ke ahkam:-

1. Ek ghulam azaad karna.

2. 60 roze rakhna.

3. Agar rozoon ki takhat na hoto 60 miskenoon ke 2 waqt payt bhar khana khilana.

Note:- Agar ek Ramzan mein koi roza todhe ho aur kisi ka kaffara na diya ho to sab keliye ek hi kaffara kafi hai lekin har roze ki qaza alag alag wajib hai.

_________________________________________________________

Q13) Sajda Sahu ke masael likhiye.

A) Sajda Sahu ki tareef:- Sajda Sahu yane namaz mein galati hone par 2 sajde karna wajib hai.

Sajda Sahu ka tariqa:- Aakhiri qaiide mein tashahud padhne ke baad dhahine taraf ek salaam pher kar 2 sajde kare phir bait jaye phir dubara tashahud padhe, Durood e Ibhrahim padhe dua e Masoora padhe phir dono taraf salaam pher dein.

5 Cheezoon se Sajda Sahu wajib hota hai:-

1. Taqdeem e Rukun:- Maslan qirat se pehle rukun karlena, ruku se pehle Sajda karna.

2. Taaqeer e Rukun:- Maslan pehle qaide mein tashahud se ziada bait jana jiski wajah se teesri rakat ke qiyam mein dayr hojaye.

3. Takraar e Rukun:- Maslan kisi rakat mein doo ruku karlene ya teen sajde karlena.

4. Tark e Wajib:- Maslan qaida e oola chodh dena.

5. Tagauyyur e Wajib:- jaise ahista padhne ki jagah pukar kar padhna.

Diploma In Arabic Course Books               

S.No              Books

1              Sharah Fiqh - E – Akbar (Click Here)

2              Noor Ul Eizah (Click Here)

3              Arbayeen Fil Hadees (Click Here)

4              Risaleh Deeniyaat (Click Here)

5              Seeratun Nabi (Saws) (Click Here)

6              Nahu (Click Here)

7              Minhaj  Ul Arabia 1-3 Parts (Buy)

8              Anwarul Arabia Attatbiqayyah (Buy)

9              Al-Jadeed 1-2 Parts (Buy)

___________________________________________________