Seerat un Nabi (Saws) Diploma in Arabic Part 5

Seerat un Nabi (Saws) Diploma in Arabic Part 5

Solved Model Paper Question and Answer

1Hazrat Hamza (Rz) ka Musalmaan hone ka waqiya bayan kijiye.

2Hazrat Umar Farooq (Rz) ke Musalman hone ka waqia tafseel se likhiye.

3Waqia Taayeef ka safar bayan kijiye.

4Uhud ki ladayi kab huwi unmein kya aham waqiat halaat pesh huwi tehreer kijiye.

5Wahi kise kehte hai aur wo kab aur kahan nazil huwi.

6Waqia e Hijrat bayan karte huwe “Fazail e Madine Munawwara” aur Hazrat Abu Bakr Siddique (Rz) ke fazail wa munaqibat bayan kijiye.

7Hazrat e Rasool e Paak (SAWS) ki Makki wa Madani zindagi ke aham waqiyaat muqtasar zikr likhiye.

8Hamare Huzoor (SAWS) ka akhiri Haj e khutba Hajjatul wida ko tafseel se bayan kijiye.

9Suleh Hudebiya Ya Jung e Badr ke bare mein tafseel bayan kijiye.

10Mojeza e Me’raj ko tafseel se likhe.

11Badr ki ladaye ki wajah kya hai batate huwe “Jung e Badr” tafseel se tehreer kijiye.

Seerat un Nabi (Saws) Diploma in Arabic Part 5

Q1) Hazrat Hamza (Rz) ka Musalmaan hone ka waqiya bayan kijiye.

A) Nabi e Kareem (SAWS) ke chachaoon mein Hazrat Hamza (Rz) hai. Jo apse chand saal pehle paida huwe thee. Wo apko bahut chahate thein wo apke razai bhai thee aur badi bahaduri wa deleri rakhte thee, subah shikaar ke liye jate to sham ghar wapas lout-te thee. Phir khana e Kaba’ ke tawaaf ke lie aat Quraish ke sardaroon ki mehfil mein baithein thein.

Ek din ma’mool ke mutabiq jab shikar se wapas loute toh apki behen “Hazrat Safiya (Rzanha) ne kaha: kya tumhe maloom hai aaj abu jahal ne tumhare bhatije ke saath kaisa gustakhana bartou kiya? Ye sunn kar Hazrat Hamza (Rz) apni teer Kaman lekar abu jahal ke paas pahunch gaye aur kamaan se badi khuwwat ke saath uske sar par mara ke sar phath gaya aur kaha: kyat u nahi jaanta mai bhi unhi ke Deen par hoon? Ye dekhkar khabila e bani makhzoom ke loog abu jahal ki madat ke liye aye toh usne ye soonch kar ke kaha bani Haashim se bani makhzoom ki jung na chidh jaye kaha: chodo maine aaj unke bhatije ko sakth bartao kara kaha.

Hazrat Hamza (Rz) ne kaha: Mai Allah ta’a ka shukr karta hoon ke, mera dil Islam aur Hidayat ke liye usne khool diya hai.

_____________________________________________________________

Q2) Hazrat Umar Farooq (Rz) ke musalman hone ka waqia tafseel se likhiye.

A) Hazrat Hamzah (Rz) Musalman hone ke 3 din baad Hazrat Umar Farooq (Rz) bhi Iman laye.

1. Waqia iss tarha hai ke aap ek din nangi talwar liye gusse ki halat mein ja rahe thee, raaste mein Hazrat Nayeem bin Abdullah (Rz) se mulaqaat huwi, apke Islam ki Hazrat Umar ko qabar nahi thi, pucha: Aye! Umar nangi talwar liye kahan ja rahe hai. Aapne kaha: Aaj daayiye Islam ka faisala kar dena chahata hoon! Unhone kaha pehle apne ghar ki qabar loo! Tumhari behan “Fatima binte Khattab (Rz anha)” aur behnoyi “Sayeed bin Zaid (Rz anhu) musalmaan ho gaye hai.

2. Aap rukh dabal kar behen ke ghar pahunche aur darwaza qhat-qhataya, dono ayatein Quraniyah ki tilawat kar rahe thee, fouran tilawat chod kar behan ne darwaza khola.

3. Hazrat Umra ne gusse mein kaha: Kya tu bhi Musalman ho gayi? Phir behnoyi ki taraf ja kar unhein zameen par phatakh diya aur seene par sawar hokar maarne lage. Jab behan rokne ke liye qareeb aayi uneh aysa tamacha mara ke chahera zakhmi ho kar lutputh ho gaya. Behan ne ba-awaz buland kaha Umar! Chahe kuch bhi karlo Islam dil se nahi nikal sakta.

4. Apne fouran ghusul kiya aur ayat e Qurania ke Mubarak Aayatein haath mein liye to nazar sureh Tawha ki ibtedayi aayatoon par padi ayat e Kareema padhte huwe jism ke rounngte khade ho gaye.

5. Hazrat Umar Farooq (Rz) andar dakhil huwe toh Nabi e Akram (SAWS) ne farmaya aye Umra! Kya abhi waqt nahi aya hai? Kya baaz nahi aaoge? Islam mein dakhil ho jao!

6. Hazrat Umar Farooq (Rz) ne ba-awaz buland Touheed wa Risalat ki gawahi di, tamam muslamanoo ne khushi ke mare na’re takbeer buland kiya uss mouqhe par Hazrat Jibrail (As) khidmat ba-barkat mein hazir huwe aur arz kia: Ya Rasool Allah (SAWS).

7. Hazrat Umar Farooq (Rz) ke musharaf ba-Islam hone par tamam aasmaan waloon ne ek dusre ko Mubarak baadi aur khushiya manayi.

8. Phir Hazrat Umar Farooq (Rz) ki tehreeq par alal alailaan haram e Kaba’ mein musalmanoo ne namaz ada ki.

_____________________________________________________________

Q3) Waqia Taayeef ka safar bayan kijiye.

A) Nabi e Akram (SAWS) ne Islam ki dawat den eke liye Hazrat Zaid bin Haris (Rz) ko lekar mahe shawwal mein taayeef ka safar farmaya. “Taayeef Makkah Muakarrama se 61 kms ke fasle par waqhe hai.

1. Taayeef ke bade maaldaroon mein 3 bhai thee jinka naam aaid ya lael, masood aur habeeb thaa.

2. Nabi e Akram (SAWS) ne unke pas tashreef le jakar jab dawat e Islam di toh unhone inkar kiya aur battameezi ki baatein ki aur gunde aur badhmaashoon ne aap par pathar barsaye jisse apke qadam Mubarak lahu-lahan ho gaye aur naalain Mubarak khoon se bhar jate us waqt pahadoon ke farishte hazier khidmat hokar arz kiya aap hukum farmae toh mai pahadoon ko uthakar un logoon par ulat dunga apne irshad farmaya nahi mai Rahmat banakar bheja gaya hoon.

3. Ishi safar se wapasi ke waqt muqaam nakhli mein jinnat ki ek jama’at hazier khidmat hokar musharraf ba salaam huye.

_____________________________________________________________

Q4) Uhud ki ladayi kab huwi unmein kya aham waqiat halaat pesh huwi tehreer kijiye.

A) Ghazwa e Uhud san 3 hijri mein waqhe huwa, “Uhud” Madina taiyyaba k eek pahadd ka naam hai, ye maureka haq wa batil mein ushi pahaad ke daman mein waqhe huwa.

1. Musalmanoo ke kaarwan haq ki ta’adad saath sau thi aur quraish ka lashkar 3,000 afraad par mushtammil thaa.

2. Haq wa Sadaqat ki rah mein jame shahadat nosh karne wale Sahaba e Kiram ki tadaad 70 thi jab ke batil parastoon ki 30 afrad jahannam raseed huwe.

3. Syedush-Shohada Hazrat Ameer e Hamzah (Rz) Nabi e Akram (SAWS) ke chachajaan hai apne jam e shahadad nosh farmaya.

4. Phir hindah ne Hazrat Ameer e Hamzah (Rz) ki laash e Mubarak ki be hurmati ki aur apka shikam e mubarak chaak karke usse jigar ko nikala aur chabakar nigalna chaha lekin wo nigalna saki.

5. Hazrat Hanzala (Rz) uss maurekah mein shadat ke sharaf se behramand hogaye. Huzoor ne irshaad farmaya farishte hanzala ko ghusul de rahe hain.

6. Ahle Islam ka parcham mas’ab bin Ameer (Rz) ke haat mein thaa phir unka daayan haath shaheed hogaya toh apne fouran apne dusre haat se parcham e Islam ko thaam liya apne Islam ke azeem parcham ko apne seene se laga liya phir aap par teer se waar kiya gaya aur pane jam e shahadat nosh farmaya.

7. Jung e Uhud mein Hazrat khatadah bin Noman (Rz) ki aankh mein teer lag gayi Huzoor (SAWS) ne apne dast e karam se aankh uski jagah par rakhdi toh wo ankh dusri aankh se zyada roushan wa manor hogayi aur sarkar ne unke liye jannat ki dua bhi farmadi.

8. Mareka e Uhud mein jab Hazrat Abdullah bin jahesh ki talwar toot gayi toh Nabi e Akram (SAWS) ne unhe kajoor ki chadi inayat farmaye. Jaise hi wo chadi apne haath mein li wo fouran talwar bangayi.

_____________________________________________________________

Q5) Wahi kise kehte hai aur wo kab aur kahan nazil huwi.

A) Wahi ki tareef:- Allah ta’la ka hukum jo paighabaroon par nazil huwa karta tha khaw Jibrael ke zariye ya aur tariqoon se uska naam wahi hai.

Wahi kab aur kaha nazil huwi:-

1. Ghaar e Hira mein mamool shareef ke mutabiq Muallim e Kayinaat (SAWS) haq e ta’la ki ibadat zikr wa muraqebah mein mashgool thee. Achanak ek din Allah ta’la ke hukum se Hazrat Jibrael (As) hazir e khidmat huwe aur arz kiya “IQRA” padheen Nabi e Akram (SAWS) ne farmaya moi padhne wala nahi.

2. Farishte ne garam joshi ke saat apse muaanekha kiya phir kaha padhein huzoor ne farmaya mai padhne wala nahi.

3. Iss tarha 3 baar kiya teesri baar “Surah Alaq” ki pehli ayat “IQRA BISMI RABBIK”. Se paanchoon ayat tak tilawat ki un ayat e karima ko Nabi e akram (SAWS) le kar apne khashanayein akhdas tashreef laye.

 

Q6) Waqia e Hijrat bayan karte huwe “Fazail e Madine Munawwara” aur Hazrat Abu Bakr Siddique (Rz) ke fazail wa munaqibat bayan kijiye.

A) Waqia e Hijrat:-

1. Nabi e Kareem (SAWS) ki bargah e Akhdas mein Jibrael amen alaihissalam paigham e Ilahi le kar hazir huwe aur arz kiya ya Rasool Allah (SAWS)! Aj raat aap bistar par aaraam na farmaye balke Madina Munawwara hijrat farmaye. Chunanche aain dopahar ke waqt Nabi e Akarm (SAWS) Hazrat e Abu Bakr (Rz) ke makan tashreef legaye aur Siddiue Akbar (Rz) se farmaya ke Allah ta’la ne mujhe hijrat ka hukum farmaye hai, Hz. Siddiue Akbar (Rz) ne arz kiya: Ya Rasool Allah mere maa baap aap par qurban! Mujhe bhi hamrahi ka sharf aata farmaye take main apki rifaakhhhat ki sa’adat haasil karoon toh Nabi e Akram (SAWS) ne inhein ijazat marhamat farmaye.

2. Aap (SAWS) ne logoon ki aamanatein Hz. Ali e Murtaza karamallahu wajhu ke supurd farmakar irshad farmaya: Aye Ali! Aj tum mere bistar par aaraam karo aur subah ye amaanatein unke malikoon ko pahuncha kar tum bhi Madina Munawwara chale aana.

3. Bhar tashreef lakar mulaheza farmaya ke kuffar muhaserah kiye huwe hai. Aap (SAWS) ne ek mitti khak lekar sureh Yaseen ki ibtedaye ayat tilawat farmaye aur uss majmuye mein poonkh di unke darmiyaan se iss tarah tashreef le gay eke kisi ko qabar tak na huwi.

4. Makkah Mukarramah se hijrat farmaye aur ishi raat gaar e sour pahunch gaye.

5. 3 din tak Nabi e Akram (SAWS) ishi gaar mein rounak afroz rahe.

6. Khuda e ta’la ne hifazat ka aysa intezaam kiya ke gaar ke muh par makdi ne jala taan diya aur kinare par kabutri ne andein de diye.

Hazrat Abu Bakr Siddiue (Rz):-

1. Siddique Janasheen Mustafa (SAWS) hai, aap afzalul basher baad al Ambiya hain. Yani Ambiya ke baad makhlooq e khuda mein sab se afzal tareen insaan hai.

2. Ambiya mein jo mukhaam sarkar 2 jahan (SAWS) ko hasil hai. Wo muqam Hazrat Siddiue Akbar (Rz) ko Ummat e Mustafa (SAWS) se hasil hai. Quran Majeed mein aksar jagahoon par Hz Siddiue Akbar (Rz) ki fazilat aur shaan bayan ki gayi hai.

3. Aur wo muhajireen aur ansaar jinhone Ikhlas ke saath muhajireen aur ansaar ka itebah kiya (Sureh Taubah; Ayat: 100)

4. Sirf 2 jaan the jab ke wo dono ghar mein thee. Jab mahboob apne yare gaar se farmate the keg ham na karo beshak Allah hamare saath hai. Mardoon me sabse pehle aap (Rz) ne hi Islam qubool kiya.

5. Waqia Me’raj ki sabse pehle tasdeeq bhi aap (Rz) ne farmaya aur siddique ka laqab paya. Ahadees e kareema mein aap (Rz) ke fazail mein 181 Ahadees marvi hai.

6. Sarkar e doo Aalam (SAWS) ne farmaya kul duniya par mere ahsan hai lekin Abu Bakr (Rz) ke mujh par ahsan hai. Aap (SAWS) ne farmaya baqiyoon ke ahsanaat mai ne duniya mein chukka diye sirf Siddique (Rz) ke ahsanaat ka badla qiyamat ko ada karunga.

7. Ek dafa jihad ke mauqe par Ah-Hazrat (SAWS) ne maal talab farmaya Hz Abu Bakr (Rz) apna asaasa utha laye aur Nabuwat ke khadmoon mein dhyr kar diya sarkar doo jahan (SAWS) ne pucha Abu Bakr ghar kya chod aaye? Aapne jawab diya Allah aur uske Rasool ka naam chod aya hoon, baaqi sab kuch le aaya hoon.

8. Aap (Rz) ne wasiyat farmayi ye ki ke mera janaza tayyaar karke Aqa e Naamdar (SAWS) ke aastaana e Mubarak ke bahar rakh diya jaye. Phir ijazat talab ki jaye agar ijazat mil jaye to mujhe aap (SAWS) ke pahlo e Mubarak mein dafan kiya jaye, chunache ijazat talab ki gayi aur awaz ayi mere rafeeq ko andar aane doo.

Fazael e Madina Munawwar:-

1. Allah tala ne Nabi e Akram (SAWS) ki hijra ke liye kurra e arz par Madine ka intekaab kiya. Jab Madina markaz e Islam bana to fatuhaat ke darwaz e khul gaye.

2. Roza e Akhdas mein zameen ka wo tukda jis se jism nabuwat mas ho raha hai. Wo arsh se bhi aala wa afzal hai. Roza e akhdas hi wo makaam hai, jahan subah wa sham 70,000 malayika asmaan se nuzul karke sarkar e doo alam (SAWS) ke Huzoor durood wa salaam ka nazrana pesh karte hai. Jo farishta haziri ki sa’adat hasil karta hai qiyamat tak uski bari nahi ayegi.

3. Quran Majeed ka aksar hissa iss sar zameen par nazil huwa.

4. Sartajul Ambiya (SAWS) ne dua farmayein: Aye Allah Makka Mukarramah ki mohabbat se kayi ziada Madine ki mohabbat hamare diloon me bhar dein. Iski aab wa hawa ko sehat afza bana de. Madine ke saa’a mein barkat ata farma. Us ke bukhar ko jahan se muntakhil karke hajfah bhej de.

5. Imamul Ambiya (SAWS) ne ek mouqe par Madine ke liye ek badi hi pur asar dua farmaye. “Aye Allah Syedina Ibhrahim (As) tere bande khaleel aur Nabhi thee. Mai bhi tera banda aur Nabi hoon. Jis tarha unhone dua farmaye thi mai bhi waisi hi dua Madine ki liye mangta hu.

6. Janab e Risalat e Ma’ab (SAWS) ka irshad e karami hai “dajjal, taaoon aur dabbatul arz qiyamat tak Madine mein dakhil na honge. Madine ke darwazoon par farishte mahafizat ke faraiz sar-anjam de rahe hai.

7. Syedina saabit bin qais bin shamaas (Rz) se riwayat hai ke ghubbaar mein marz jazami ke liye shifa hai. Madine ki khakh mein shifa bhi hai shifa’at bhi yahan ki maut bhi hayatul badhi hai.

8. Allah Ta’la humein Madine ki wo manzilat ata farmaye aur Rasool (SAWS) ki haziri naseeb farmaye (Aameeeeen).

_____________________________________________________________

Q7) Hazrat e Rasool e Paak (SAWS) ki Makki wa Madani zindagi ke aham waqiyaat muqtasar zikr likhiye.

A) Makki zindagi ki aham Jhalkiyaan:-

1. As-haab e Feel ke 55 din baad Makkah Mukarrama mein 12 Rabi ul Awwal subah sadiq ke waqt paida huwe.

2. Aapki paidaesh se pehle apke walid Hazrat Abdullah wafa’at pagaye.

3. Nabe e Akram (SAWS) ka shaq e sadr jumla 4 martaba huwa.

4. 6 saal ki umar mein walida ka inteqal huwa.

5. 8 saal ki umar meinn dada Abdul Muttalib ka wisal huwa.

6. 2 martaba Mulk e Shaam ka safar farmaya.

7. 25 saal ki umar shareef mein 40 saala khatoon Hz. Khadija (Rz anha) se nikah hua.

8. Baitullah shareef ki ta’meer mein shareeq rahe aur hajra e aswad ko apne dast e Mubarak rakha.

9. 40 saal ki umar mein gaar e hira mein khilwat farmaye.

10. 40 saal ki umar mein wahi ka aaghaz huwa.

11. Aailaan e Nabuwat ke chauthe saal alaniya tableeq ka hukum aya.

12. 3 saal tak shoube Abi Taalib mein mehsoor rahe.

13. Islam ki dawat den eke liye Hz. Zaid ko lekar shawwal mein taa’if ka safar farmaya.

14. 10 Nabavi mein maujeza e shakul qamar pesh aya.

15. 12 Nabavi mein jism e atahr ke saath me’raj huwi.

16. Me’raj ki shab namazoon ka toufa mila.

17. Hijrat ka hukum huwa.

Makki zindagi ki aham Jhalkiyaan:-

1. Masjid e Quba ki tamer huwi.

2. Masjid e Nabavi shareef ki tamer huwi.

3. Hazrat Ayesha (Rz anha) ki rukhsati huwi.

4. Mahajireen aur ansaar ke darmiyaan bhi bandi huwi.

5. Hazrat Sulaiman Farsi (Rz) ne Islam qubool farmaya.

6. Tahweel e Qible ka hukum aya.

7. Ghazwa e Badar huwe.

8. Dushman e Islam wa dushman e Rasool abu jahal, abu lahab, umme bin khalf ki halakhat huwi.

9. Roze ki farziyat ka hukum saadir huwa.

10. Zakat ki farziyat ka hukum sadir huwa.

11. Ayat e durood e shareef.

12. Ghawa e Uhud huwi.

13. Huzoor ke chacha Hazrat ameer hamza shaheed huwe.

14. Sharaah haram huwi.

15. Auratoon ke liye pardhe ka hukum huwa.

16. Tayammum ki ijazat mila.

17. Namaz e khouf ka hukum aya.

18. Ghawa e khandaq huwi.

19. Jumla 12 ghazwa’at huwi.

20. Hazrat Khalid bin waleed ne Islam qubool farmaya.

21. Makkah shareef fatah huwa.

22. Hajjatul wida ke mouqe par aap khutba irshad farmaya.

23. Siddique Akbar (Rz) ko Imamat ka hukum hua.

24. Huzoor ko duniya mein rehne ya safar e aakhirat paaz farmane ka iqtiyaar diya gaya.

25. 12 Rabi ul Awwal ko apka wisal Mubarak huwa.

_____________________________________________________________

Q8) Hamare Huzoor (SAWS) ka akhiri Haj e khutba Hajjatul wida ko tafseel se bayan kijiye.

A) 1. Hajjatul wida mein 1,24,000 sahab shareeq thee.

2. Us Haj ko Hajjatul Wida isliye kehte hain ke Nabi e Akram (SAWS) ne us Haj ke khutbe mein apni ummat ko khitab karke alvida farmaya.

3. Usko “Hajjul Balaagh” isliye kehte hain ke Nabi e Akram (SAWS) ne us Haj ke khutbe mein ahkam e Ilahi pahuncha kar tamaam hazireen se tabligh e Risalat par gawahi talab farmaye. Unko gawah banaya aur hukum farmaya. Suno! Jo shakhs hazir hai wo gayeb shakhs ko pahuncha de.

4. Habeeb e paak (SAWS) mah e ziqaada ke aakhir mein baroz jume raat ghusl farmaya aur tehbadh e Mubarak wa chadar e shareef zebetan farmaye.

5. Masjid e Nabavi mein namaz e zohar ada farmane ke baad Madine Munawwara se Makke Mukarrama ki janib rawan huwe. Chast ke waqt masjid e haraam mein tashreef laye.

6. Jab Nabi e Akram (SAWS) hajre aswad ke saamne tashreef laye to hajre aswad par dast e Mubarak rakh kar usko bosah diya, uske baad kabbatullah shareef ka tawaf farmaya.

7. Tawaaf ke baad apne maqaam e Ibhrahim ke paas 2 rakat namaz ata farmaye.

8. Nabi e Akram (SAWS) ne mina mein bhi ek taweel e khutba irshad farmaya qurbani ada ki.

9. Aapke saath 10 ount thee 63 ount apne banafse nafees zubah farmaya uske baad apke hukum se Hazrat Ali (Rz) ne baaqi ount zubah farmaye.

10. Qurbani ke ba’ad jab halq karne ka mauqa aya. Halaq ke ba’ad jo Sahaba e kiraam hazire khidmat thee. Aapne unhein Moye e Mubarak ata farmaye.

11. Phir Hazrat Abu Talha (Rz) ko wo Moye e Mubarak ata farmaye phir unko hukum farmaya ke sahaba e kiram ke darmiyan moye e Mubarak ko taqseem kardiye.

12. Tawaaf e ziyarat ke liye makke mukarrama tashreef le gaye, mina tashreef laye, mina mein 13 zilhaj tak qiyam farmaya har din teeno jamraat ki rami farmate rahe 13 zilhaj ko makke mukarrama tashreef laye, tawaaf e wadah ke baad Madine ka irada farmaya.

Khutba e Hajjatul Wida:-

1. Logoon! Mujh se suno mai tumhein bayan karta hoon kyunke mai nahi samajhta ke iss saal ke baad iss jagah meri tumse kabhi mulaqaat hogi.

2. Logoon! Yakinan tumhare khoon tumhare maal aur tumhari Izzat tumhare paas. Qaabil e ahteraam hai jahan tak ke tum apne parwardigar se ja milo.

3. Jis shakhs ke paas koi amanat ho! Wo uss shakhs ko ada kare jisne uske paas amaanat rakhaye. Jahiliyat ka saraa sood maaf hai, albatta asal maal tumhara haq hai na tum kisi par zulm ko aur na tum par zulm kiya jaye.

4. Pehla sood jise main maaf karta hu abbas bin abdul muttalib ka sood ho.

5. Pehla khoon jise mai maaf kar raha hoon mein chacha ke beto ka khoon hai.

6. Baccha us shakhs ki janib mansoob hoga. Jiski biwi se wo paida hoga aur haraam kaari karne wale ke liye pathar hai.

7. Aye logoon iske siwa kuch nahi ke tamaam momeen bhai-bhai hai.

8. Tum loog mere baad gumrah matho jao ke apasi jung wa gidal khast wa khoon mein mubtala raho. Aye! Logoon apne ghulamoon aur bandiyoon ka qiyal rakho.

9. Aye! Logoon tumhare upar tumhari biwioon ke huqooq wajib hai aur unke zimme tumhare huqooq hai.

10. Aye logoon! Shaitan iss baat se mayoos hogaya hai kea b tumhari sar zameen par uski ibadat ki jaye. Tum apne deen ke bare mein shaitan se bachtein rahoon.

11. Dekho! Apne parwardigar ki ibadat karo 5 waqta namaz ada karo, tum mah e Ramzanul Mubarak ke roze rakho, khush dili se apne amwal ki zakat doo, apne rab ke ghar ka haj karo aur apne aimmah wa mara e ki ita’at karo to tum apne rabki jannat mein dakhil hojayoge.

12. Aye logoon! Mai ne tum me aysi cheez chodi ke jab tak tum use mazbuti se pakade rahoge mere ba’ad hargiz gumrah na hoge Allah ki kitab Quran e Majeed aur meri ahle bait aur meri sunnat.

13. Aye logoon! Tumhara Rab ek hai aur tum sab aadam se ho aur kisi arabi ko kisi azmaye par koi fazilat hasil nahi.

14. Suno! Kya maine paigham diya? Aye Allah! Tu gawah rah, hazireen ne arz kiya: haan aap ne paigham e haq pahunchadiya.

_____________________________________________________________

Q9) Suleh Hudebiya Ya Jung e Badr ke bare mein tafseel bayan kijiye.

A) Suleh Hudebiya ya Fateh Mubeen:-

1. Mushrikeen ki janib se “Sohail bin Umar” name ek shakhs aya. Nabi e Akram (SAWS) ne farmaya ab tumhara maamla asaan hogaya sohai ne hazir hokar kaha! Hum aur aap ek muaheda kareinge. Nabi e Akram (SAWS) ne is peshkashi ko manzoor farmaya.

2. Hazrat Ali (Rz) ne Nabi e Akram (SAWS) ke hukum se suleh nama liha to sohail ne kaha Muhammed bin Abdullah likhwaya jaye.

3. Nabi e Akram (SAWS) ne farmaya mai Muhammed Rasoolullah bhi hu aur Muhammed bin Abdullah bhi, phir Hz. Ali (Rz) ko hukum farmaya ke lafze Rasoolullah ko mitane ki jurrat na kar sake, Nabi e Akram (SAWS) ne unke kamala e adab ko qubuliyat ata farma kar banafse nafees apne dast e Mubarak se us lafz ko mitaya. Phir “Muhammad bin Abdullah” ke alfaaz likhe gaye.

4. Muhayeda ki Shratein: Musalman aur kuffar ke darmiyan 10 saal tak ladayi moukhoof rahegi.

5. Musalmaan iss saal wapas chale jaye, aaindah saal aasakte hain. Lekin 3 din se ziada qiyam nahi kar sakte.

6. Talwar ke siva koi aur hatiyar na laye aur talwar niyam ke ander rakhe.

7. Makkah Mukarrama mein jo musalman pehle se muqeem hain. Umein se kisi ko saath na legaye.

8. Kafiroon ya musalmanoo mein se koi Madine tayyaba jaye toh wapas kar diya jayega. Lekin koi musalman Madine Munawwara se Makkah Mukarrama chala jaye to wapas nahi kiya jayega.

9. Arab ke qabiloon ko ikhteyar rahega ke wo firihain me se jise chahe haleef aur dost ban jaye aur jiske saath chahe muhayeda karle.

10. Ye sulah ba-zaheer maghluban e sulah maloom horahi thi. Lekin fil waqhe ye fatteh mubeen thi.

11. Quran e kareem ne isko fateh mubeen qaraar diya. Tarjuma: Aye! Habeeb (SAWS) humne aap ke khatir wo shane fatah ata ki.

Q10) Mojeza e Me’raj ko tafseel se likhe.

A) Mojeza e Me’raj Shareef:-

1. Haq ta’ala ne apne Habeeb e Kareem (SAWS) ki taskin e qalb ki khatir aur kakhlooq par aap ke qadar wa manzilat aashkar karne ke liye apne qurbe khaas mein talab kiya, asmanoon ki sair karwayi, jannat wa dozakh ka nazarah karwaya aur apne diaar se nawaza.

2. Masjid e haraam kaba’ tullah se baitul muqaddas ka safar “asraa” kehlata hai aur baitul muqaddas se saathoon aasmanoo aur sidratul muntaha se laa-makan tak ki sair ko “Me’raj” kaha jata hai.

3. Jism e athar war uh e Mubarak ke saath masjid e haraam se masjid e aqsa tak aur wahan se aasmanoo tak sair ki. Jannat aur dozakh ka mushaheda farmaya. Aage arsh e Ilahi aur mawaraaye arsh rab ne jahan tak chaha sair farmaye aur halaat e bedaari mein sar e Mubarak ki muqaddas anhoon se dedaar e haq e ta’ala ki me’mat se sarfaraz huwe, ye sab raat ke mukhtasar hisse mein huwa.

4. Me’raj haalat e bidaari mein jism aur ruh ke saath huwi, yahi ahle sunnat wal jama’at ka mazhab hai.

Waqia e Me’raj ki tafsilaat:-

1. Mah e Rajjab ki 27 shab, Nabi e Akram (SAWS) khana e kaba’ ke paas Hazrat Umme hani (Rz anha) ke makaan mein aaraam farma rahe thee. Allah ta’la ke hukum se Hz. Jibraail (As) lakhoon farishtoon ke saath jinke haatoon mein Noorani khanilein thi khidmat e babarkat mein haazi huwe aur Hz Jibrail (As) ne arz kiya! Allah ta’la aap ko salam farmata hai.

2. Nabi e Akram (SAWS) zam zam ke kunwe ke paas tashreef legaye seena e akhaddas chaak kiya gaya.

3. Aap ko wo jannati libaaz pehnaya gaya aur noorani aamamah sar e Mubarak par bandha gaya.

4. Sawari ke liye jannat se buraaq laya gaya. Phir uss Mubarak sawari ko baitul mukhaddas laya gaya.

5. Aap sawari par masjidul aqsa mein dakhil huwe, tamaam Ambiya e kiraam. Nabi e Akram (SAWS) ke muntazar thee. Sabhoon ne aap ka isteqbaal kiya.

6. Hazraat e Ambiya e Kiraam se mulaqaat ke baad Hz. Jibrail (As) ne azan kahi, saffeh band li gayi, abhi imamat ka musalla khali thaa. Hz. Jibrail (As) Nabi e Akram (SAWS) se arz kiya: Ya Rasoolullah (SAWS)! Aage tashreef le jaayein? Aur saare Ambiya aur Rasooloon ki Imamat kijiye. Chunache apne 2 rakat namaz padhaye tamam Ambiya e Kiram aur farishtoon ne apki iqteda mein namaz ada ki. Namaz ke baad ek jalsa munakhid huwa, ek ke baad ek Nabi wa Rasool khade hokar khutba dene lage.

7. Hz. Isa (As) ke ba’ad hamare Nabi e Arkam (SAWS) uthe aur farmaya hare k paighambar ne khuda ki tareef ki aura b mai bhi bayan karta hoon.

8. Nabi e Arkam (SAWS) ke saamne 2 bartan laye gay eek bartan mein “doodh” aur dusre mein “sharab” thi to maine doodh ka bartan liya aur usko nosh karliya.

9. Nabi e Arkam (SAWS) jab baitul mukhaddas se baher tashreef laye to wahan zameen se aasmaan take ke khoobsurat seedhi lagayi gayi, seedhi ka ek hissa zameen par tha aur dusra hissa aasmaan ke darwaze se mila huwa hai.

10. Phir aasmanoo ki sair shuru huwi:-

11. Pehle aasmaan par Abul Bashr Hz. Syedina Aadam (As) se mulaqaat huwi.

12. Dusre aasmaan Hz. Isa (As) aur Hz. Yahiya (As) se.

13. Teesre aasmaan pr Hz. Yousuf (As) se

14. Chauthe aasmaan par Hz. Idrees (As) se

15. Paanchwa aasmaan par Hz. Haroon (As) se

16. Chatwa aasmaan par Hz. Musa (As) se aur

17. Saathve aasmaan par Hz. Syeduna Ibhrahim (As) se mulaqaat huwe.

18. Phir Nabi e Arkam (SAWS) siddratul muntaha tak pahunche.

19. Mehboob wa Muheeb (SAWS) ke darmiyan raaz wa niyaz ki batein huwe.

20. Me’raj ki shab Allah ta’la ne apne dedaar se musharraf kiya.

21. Me’raj ki shab Allah ta’la ne Nabi e Arkam (SAWS) ko jo tohfe ata farmayein, ek tohfa namaz hai.

22. Allah ta’la ne ye ailaan bhi farmaya ke meri baat atal hai, badal nahi sakti. Lehaza Namaz toh 5 par 50 Namazoon ka sawab ata karonga.

______________________________________________________

Q11) Badr ki ladaye ki wajah kya hai batate huwe “Jung e Badr” tafseel se tehreer kijiye.

A) Jung e Badr ki tafseel:-

1. Hijrat ke dusre saal 12 Ramzan ul Mubarak ba-rooz hafta Nabi e Arkam (SAWS) apne 313 sahabe e kiraam ke humrah Madina Munawwara se rawana huwe.

2. Batil parastoon ne jung ke liye tamaam islah faraham kiye aur musallah ho kar maidaan e badr pahunche jin ki tadaad 1,000.

3. Nabi e Arkam (SAWS) ne bargah e Ilahi mein dua ki ushi waqt Allah ta’la ne ye ayat e mubaraka nazil farmaye “yakinan mai tumhari 1,000 farishtoon ke zariye madad karunga, tumhara rab 3,000 farishte utaar kar tumhari madad karega. Aur wo tumpar fouran hamla aawar ho jaye toh tumhra rab 5,000 nashaan zada farishtoon se tumhari madad kareinga.

4. Phir uss maurakaye haq wa batil ka aaghaaz huwa Allah ta’la ne haq ko kamiyabi se humkinaar farmaya aur batil ko shiqasth wa zillat ka saamna karna pada, batil parastoon mein 70 afraad maaregaye aur 70 qaidi banayegaye. Aur 14 sahabe e Kiraam ko shahadat naseeb huwi.

5. Hz. Anas (As) farmate hai ke Nabi e Arkam (SAWS) ne apne daste Mubarak ko zameen par rakh kar irshaad farmaya: Ye faalan shakhs ki halaqat ki jagah hai, ye falaan shakhs ki halaqat ki jagah hai.

6. Hz. Jibraail (As) surkh ghoodi par sawaar Jung e libaas pehne huwe nezah haath me liye haazir huwe aur arz kiya beshak Allah ta’la ne mujhko aap ki khidmat mein bheja hai aur ye hukum farmaya hai ke mai aap ke paas se uss waqt tak na jaoon jab tak aap mujh se razi na ho jayein.

7. Huzoor! Kya aap mujhse razi hain. Nabi e Arkam (SAWS) ne irshad farmaya “haan mai raazi hoon” tab Jibrail (As) wapas huwe.

It is objective of my life to help others, when I help someone, I feel happy.

_____________________________________________________________

Seerat un Nabi

Diploma In Arabic Course Books               

S.No              Books

1              Sharah Fiqh - E – Akbar (Click Here)

2              Noor Ul Eizah (Click Here)

3              Arbayeen Fil Hadees (Click Here)

4              Risaleh Deeniyaat (Click Here)

5              Seeratun Nabi (Saws) (Click Here)

6              Nahu (Click Here)

7              Minhaj  Ul Arabia 1-3 Parts (Buy)

8              Anwarul Arabia Attatbiqayyah (Buy)

9              Al-Jadeed 1-2 Parts (Buy)

___________________________________________________

Post a Comment

0 Comments