Mulla Short Imp Notes for Jamia Nizamia Exam

INDEX

S.No Topics

1 Wuzu ke Masail

2 Ghusul ke Masail

3 Pani ke Masail

4 Pas Khurdah (Jhoote) ke Ahkam

5 Tayammum ke Masail

6 Najasat ke Masail

7 Zubah ke Masail

8 Qurbani ke Masail

9 Aqeeqe ke Masail

10 Halaal wa haraam jaanwar ka bayan

11 Janaze ke Masail

12 Mayyat, Kafan & Dafan ke Masail

All Islamic courses notes (click here)

1. Wuzu ke Masail

Wazu mein 4 cheezein Farz hai:-

1. Tamaam Chehre ka dhona.

2. Donoo hathoon ka kohniyoon samait dhona.

3. Chohtayi (1/4^th) sar ka masah karna.

4. Dono pairoon ka takhno samait dhona.

Note:- 1) In Aazaon ka sirf ek martaba dhona farz hai.

2) In Aazaon mein se agar koi jagah baal barabar bhi khuskq reh jayein toh wazu na hoga.

Wazu karne ka Tariqa:-

1. Qibla Roo baithkar pehle wuzu ki niyyat karna.

2. Bismilla-Hir-Rahmaa-Nir-Raheem kehkar dono haath pahunchoon tak 3 dafa dhoyein.

3. 3 dafa kulli karna.

4. Kulli ke saath miswak bhi karein miswaq na ho to kalimein ki ungli se datoon ko malein.

5. 3 dafa daayein haath se naak mein paani chadhakar baayein haath se saaf karein.

6. 3 dafa dono haathon se pani lekar moo dhoye. Lambayi mein shuru peshani se thudi ke neeche tak aur chaudayi mein dono kano ki lau tak.

7. 3 dafa dono haath kohniyoon tak dhoye. Pehle daaya (Right) phir baaya (Left).

8. Dono haath tar karke tamaam sar kano aur garden ka ek dafa masah karein.

9. Dono paaoon taqnoo samaith 3-3 dafa dhoye. Pehle daaya phir baaya.

Wuzu ke Makruhaat:-

1. Moo par zoorse pani marna.

2. 3 baar se ziada kisi aazu ko dhona.

3. Na-Paak jagah par baithna.

4. Masjid ke andar jahan Namaz padhi jaati hai Wuzu karna.

5. Wuzu mein bila zarurat dunia ki baatein karna.

Hazb e zail suratoon me Wuzu toot jaata hai:-

1. Paishab wa paikhane ki raah se kuch nikalna.

2. Hawa kharij hona.

3. Jism se khoon, peep wagaira nikal kar behjana.

4. Moo bhar khai karna.

5. Kisi cheez ke sahare soo jana.

6. Behoshi

7. Ruku wa sujood waali Namaz mein Khil-khilakar hasna.

Mazoor ka Wazu:-

1. Agar kisi ko hamesha paishab jaari rehta ho.

2. Agar kisi ko bawasir ki shikayat ho.

3. Agar kisi ko gases ki shikayat ho.

4. To ayse shakhs ko har namaz ke waqt naya wazu karna chahiye.

Note 1:- Ayse wuzu se us waqt ki namaz aur khaza namaz, sunnatein, nafeel namazein sab padh sakte hai.

Note 2:- Be-Wuzu shahks ko Namaz padhna aur sajda karna haraam hai.

Note 3:- Quran e Shareef ko bagair jusdan ke chuna makruh e Tehrimi hai.

Note 4:- Be-Wuzu shahks ko bagair haath lagaye Quran e Shareef ka padhna dekhkar ho ya zubani durust hai.

2. Ghusul ke Masail:-

Ghusul me 3 Farz hai:-

1. Kulli karna.

2. Naak me pani chadhana.

3. Tamaam jism par pani bahana.

Ghusul karne ka Tariqa:-

1. Pehle niyyat karein mai paak hone ke liye pani nahata hoon.

2. Dil me Bismillah-hir-Rahma-Nir-Raheem padhein.

3. Dono haath 3 baar pahunchon tak dhoye.

4. Sharmgah ko dhoye.

5. Jism par jahan kahi najasat lagi ho usko dhoye.

6. Pura wuzu kare.

7. Is wuzu mein acchi tarha kulli karein aur naak mein pani chadhayein.

8. Wuzu ke baad jism par pani bhahayein.

9. Pehle sar par pani dhalein phir dhayein mondhe par phir bayein mondhe par, is tarha 3 dafa karein bas Ghusul hogaya.

In cheezon se Ghusul Farz hota hai:-

1. Jima se.

2. Ahtelaam se.

3. Haiz wa nifaas se.

4. Agar koi soo kar uthne kar baad apne jism par ya kapde par tari paye aur usko yakeen ho ke ye mani hai to Ghusul Farz hai.

Jisko Ghusul ki haajat ho Ghusul karne tak ye cheezein mana hai:-

1. Namaz padhna.

2. Sajda karna.

3. Quran e Shareef ko chuna.

4. Quran e Shareef ka tilawat ki niyyat se padhna.

5. Masjid me dhakil hona.

3. Pani ke Masail

1. Aasmaan se barsa hua pani, chashme ka pani, nadi nale ka pani, talaab ka pani, houz ka pani, kunwe ka pani ye sab paak hai, inse Wuzu aur Ghusul dono jaiz hai.

2. Behta pani ya ayse houz chashme waghaira mein tehra hua pani jo 10 ghaz lamba 10 ghaz chauda ho najasat ke girne ya kisi jaanwar ke gir kar marjane se na-paak nahi hota, jab tak ke pani ka maza, rang ya boo badal na jaye.

3. Tehra hua pani jo 10 ghaz lamba 10 ghaz chauda na ho thodi si najasat ke girne se na-paak hojata hai. Agarche ke pani ka maza, rang ya boo me koi farq na aaya ho. Ex: - Sharab ka ek qatra, paishab ya khoon ka ek qatra gir jaye to sara pani na-paak hojayega.

4. Agar kisi paak cheez ke girne se pani ka rang, boo, maza badal jaye to pani na-paak nahi hota. Ex:- darakth ke patte, phol, mitti waghaira. Albatta pani gaada banjaye to aysa pani pak hai, lekin isse wuzu wa ghusl karna jaiz nahi.

Hazbe zail suratoon mein kunwein ka tamaam pani na-paak hojayega:-

1. Sharab, paishab ya khoon ka khatra gir jane se.

2. Khoon waale jaanwar girkar phool jaye ya phat jaye to kunwein ka tamaam pani na-paak hojayega.

3. Aadmi, bakri ya koi bada jaanwar gir kar marjaye to kunwein ka tamaam pani na-paak hojayega.

4. 2 billiya (Cats) ya 6 chuhe (Rats) gir kar marjaye to kunwein ka tamaam pani na-paak hojayega.

5. Agar kunwein me ek billi ya kabutar ya bakri se chota koi jaanwar gir kar mar jaye to 40 se 60 dool pani nikaalne se kunwa paak hojayega.

6. Agar kunwein me ek chuha ya billi se chota koi jaanwar gir kar mar jaye to 20 se 30 dool pani nikal dene se kunwa paak hojayega.

7. Agar kunwein me badh jaanwar ke siwa koi jaanwar gir jaye phir zinda nikal aaye to kunwa na-paak na hoga. Ba-sharte ke uske jism par najasat naho aur uska moo pani me na doobaho, agar jism par najasat hoto pani na-paak hojayega. Aur uska moo pani me dooba hoto jhote ka hokum jaari hoga.

4. Pas Khurdah (Jhoote) ke Ahkam:-

Jinka jhoota paak hai:- Aadmi ka jhoota paak hai khaw Musalmaan ho ya kafir mard ho ya aurat. Ghode, halaal jaanwar (chawpai ho ya parinde) (Halaal ho ya Haraam) in sab ka jhoota paak hai bashart e ke inka moo najasat aaloodah na ho.

Note:- Kocha, gird, murgi aur gaye najaas khawar ka jhoota makruh hai.

Jinka jhoota makruh hai:- Jo haram jaanwar ghar me rehte hai. Jaise:- Billi, chuha, chipkali wagaira.

Jinka ka jhoota mashqooq hai:- Khacchar, ghade ka jhoota.

Jinka ka jhoota na-paak hai:- Suvvar, kutta, haati wagaira kul haraam chaupaye jaanwaroon ka jhoota na-paak hai.

5. Tayammum ke Masail:-

Tayammum ki Tareef:- (Istelah Shara mein) paak karne waali mitti ya Jisn mitti par (ba-sharte ke niyyat) haath markar chehra aur dono haatoon par masah karne ka naam Tayammum hai.

Tayammum ke Ahkam:- Tayammum wuzu aur ghusl ka qayam maqaam hai.

Tayammum ke sahi hone ki shartein:- Tayammum ke 6 shartein hai.

1. Niyyat.

2. Masah karna.

3. 3 ya ziada ungliyoon se masah karna.

4. Mitti ya jins mitti ka hona.

5. Mitti ya jins mitti ka mathar paak karne waali hona.

6. Paani par qudrat na hona.

Niyyat ke Arkaan:- 1. Jo umoor Ibadat maqsoodah nahi agar unke liye tayammum kiya jaye toh usse Namaz jaiz nahi.

2. Sajdah e Tilawat ke Tayammum se bhi Namaz jaiz hai.

3. Agar bimar ko dusra shakhs Tayammum karayi toh niyyat bimar ko karni chahiye.

In cheezon par Tayammum durust hai

Patthar, kankar, rethi, chuna waghaira.

In cheezon par Tayammum durust nahi

Sona, chandi, loha, lakdi, kapda waghaira, agar in cheezon par dhool jami hoto Tayammum durust hai.

Tayammum Jaiz hone ki Suratein:-

1. Paani maujood naho aur ek meel tak na milein.

2. Paani maujood ho magar iske istemal se bimari badh jane ya sehat mein deyr hone ka khawf ho.

3. Wazu ya ghusl karne mein kisi aysi Namaz ka faut hojane ka khauf ho jiski khaza ya badal nahi. Jaise Eidain ki Namaz.

4. Agar paani qareeb milne ka gumaan hoto talash karna, ya kisi ke paas maujood ho aur milne ki tawaqqo ho to talab karna farz hai. Bagair talash ya talab ke Tayammum jaiz nahi.

Tayammum ka Tariqa:-

1. Sabse pehle Tayammum ki niyyat karna ke mai pak hone ke liye wuzu ya ghuzl ke badle Tayammum karta hoon.

2. Phir Bismillahir Rahamaa Nir Raheem padhe.

3. Apne dono haaton ko hatheliyon ki janib se khushada karke pak mitti par marein aur moo par masah kare.

4. Phir dono haathon ko pak mitti par marker kohniyon samaith aysa malay ke koi jagah baqi na rahe.

Jinn cheezoon se Tayammum toot jaata hai:-

1. Jin cheezoon se wazu toot ta hai unse wazu ka Tayammum bhi tootta hai, aur jinse ghusl wajeeb hota hai unse ghusl ka Tayammum toot jata hai.

2. Jis majburiyoon ki wajah se Tayammum kiya gaya thaa un majburiyoon ke khatam hojane se bhi Tayammum toot jata hai maslan paani ka milna ya paani ke istemal par qadr hona.

6. Najasat ke Masail:-

Najasat ki 2 qismein hai:-

Najasat e Ghaliza

Najasat e Khafifa

1. Najasat e Ghaliza hazbe zail hai:-

Paishab, paikhana, behta khoon, sharaab, gobar, murdaar ki charbi waghaira.

Note 1:- Najasat e Ghaliza agar patli hoto hateli ke ghadeh ke barabar hoto mauf hai agar usse ziada hoto duur karna farz hai.

Note 2:- Najasat e Ghaliza agar gaadi hoto 4 maashe tak mauf hai usse ziada hoto durr karna farz hai.

2. Najasat e Khafifa hazbe zail hai:-

Ghode ka paishab, halaal janwaron ka paishab, haraam janwaron ki bhaith.

Note 1:- Najasat e Khafifa jism ke jis hisse par lag jaye uske chauthayi hisse par mauf usse ziada hoto duur karna farz hai.

Note 2:- Najasat e Khafifa kapde ke jis hisse par lag jaye uska chauthayi tak mauf hai. Maslan: - aasteen, kali waghaira usse ziada hoto duur karna farz hai.

7. Zubah ke Masail:-

Zubah me 4 ragoon ka katna zaruri hai:-

1. Wo rag jisse saans aati jaati hai.

2. Wo rag jisse khana paani peyt me jata hai.

3. Tisiri aur chauti wo rag hai jinme khoon phirta hai.

Zubah ke sharayat:-

1. Zubah karne wala musalmaan hona.

2. Zubah karne wala aakhil hona.

3. Zubah ke waqt Allah ka naam lena.

4. Allah ke naam ke saath kisi aur ka naam na lena.

5. Bismillahiwallaahuakbar kehte huye Zubah karna.

6. Zubah ke waqt jaanwar ke andar kuch na kuch hayat baaqi rehna.

Note: - Kisi bhi jaanwar ko mard, aurat, baligh, na-baligh, junbi sab Zubah kar sakte hai.

Zubah ki Sunnatein:-

1. Dayein haath se Zubah karna.

2. Zubah karne me tezi karna.

3. Bade jaanwar ke haath paaoon baandh dena, albatta daya paon khula rehne dein.

Zubah ke Makruhaat:-

1. Jaanwar ko leta kar uske saamne churi tez karna.

2. Chura ka is qadar kund rehna ke Zubah karne waale ko zoar lagana padhe.

3. Garden ki jaanib se Zubah karna.

4. Zubah mein itna kaatna ke sar alahida hojaye (sar alag hojaye).

5. Zabiha ko thanda hone se pehle uski khaal utar dena ya uske jism se sar ko juda kar dena.

6. Ek jaanwar ko doosre jaanwar ke saamne Zubah karna.

7. Raat ke waqt Zubah karna.

8. Agar Zubah karne waala Bismillahiwallahuakbar kehna bhool jaye toh koi haraj nahi zabiha durust hai. Agar khasdan Bismillah kehna chod dein toh zabiha durust nahi.

9. Jab ek jaanwar ko Bismillahiwallahuakbar kehkar Zubah kardein to phir is hi tasmia se doosre jaanwar ka Zubah karna durust nahi, balke har jaanwar par Bismillahiwallahuakbar zaruri hai.

10) Agar Zubah ke baad jaanwar pukare ya khada hojaye ya daude baag dein toh in tamaam suraton me zabiha halaal hai, ba-sharte ke Zubah kaamil taur par hua ho.

Note 1:- Jhanda, ya chilla, ke saamne ya naya makan, ya bauli, ya talab, ya pool ka paya khodte waqt ya kisi devi ya dushera waghaira ke jhande ke saamne ya jhande ke niche bakra aur koi jaanwar Zubah karna sakht na-jaiz hai.

Note 2:- Oont ko gardan se niche seene ke paas barcha maarke Zubah karna sunnat hai isko ‘nehar’ kehte hai.

Note 3:- Halaal jaanwar se in cheinzon ka khana jaiz nahi.

1. Behta khoon.

2. Pitta.

3. Gudood.

4. Phukna.

5. Kapoore.

6. Sharamgah.

8. Qurbani ke Masail:-

Qurbani ki tareef:- Ibadat ki niyyat se maqsoos ayyam mein maqsoos jaanwar ke Zubah karne ka naam Qurbani hai.

Qurbani ke Fazail:-

1. Qurbani karne se juhi Qurbani ke khoon ka pehla khatra zameen par girta hai, sahebe Qurbani ke gunah mauf hojate hai aur Qurbani k eek-ek baal ke badle ek-ek neiki milti hai.

2. Jis ghar me Qurbani hoti hai wo ghar sahibe Qurbani ke liye dua karta hai jis ki wajah se ghar me khosh haali rehti hai aur sahibe Qurbani ke maal me barkat hoti hai.

Qurbani ka hukum:-

Qurbani karna har azad, muqeem aur sahebe nisab musalman par mard ho ya aurat wajib hai.

1. Jo shakhs sahebe nisab na ho uspar Qurbani wajib nahi.

2. Qurbani apni zaat ki taraf se karna wajib hai, biwi bachon ki taraf se karna wajib nahi.

3. Qurbani ke liye mah e zilhajja ke 3 din 10, 11, 12 tariqe maqsoos hai aur pehla din afzal hai.

4. Qurbani din ke waqt karna chahiye raat me karna makruh hai.

5. Qurbani ke liye jaanwar maqsoos hai, bakra, bakri, mehnda, bhed 1-1 saal ke bail, gayi, khulga, bhains 2-2 saal ke, oont, oontni 5-5 saal ke hona chahiye.

6. Qurbani ka jaanwar sahi salaamat hona zaruri hai.

7. Bakra, bakri, mehnda, ek aadmi ki taraf se ek jaanwar.

8. bail, gayi, khulga, bhains, oont oontni 7 aadmiyon ki taraf se ek jaanwar diya ja sakta hai.

Ye jaanwar Qurbani ke layaq nahi:-

1. Andhe.

2. Kaane.

3. Langde.

4. Bahut duble.

5. Be-daant.

6. Wo gayi bail jinki singhe jadd se toot gayi ho.

Note 1:- Qurbani ke ghosht ke 3 hisse kiye jaye:-

1. Faqiron aur mohtajon ke liye.

2. Padosiyon aur rishtedaron ke liye.

3. Apne gharwalon ke liye.

4. Wo aurat jiske paas thoda sona aur thodi chandi ho dono ko milane par chandi ka nisab pura hota ho wo sahebe nisab hai.

Note 2:- Qurbani ke liye nisab par saal guzarna zaruri nahi.

Qurbani ki Dua Sacrifice Supplication Roman English Urdu

9. Aqeeqe ke Masail:-

Aqeeqe ki tareef:-

1. Aqeeqa karna mustahab hai.

2. Aqeeqa paidaish se saathve din karna chahiye agar na hosake toh 14 din agar na hosake toh 21 din agar na hosake to umar bhar me kabhi bhi.

3. Ladki ka Aqeeqa ek bakre se ladke ka 2 bakron se karna chahiye.

4. Aqeeqa ka bakra ek saal ka aur be-aib hona chahiye.

5. Aqeeqe ke ghosht ke 3 hisse kiye jaye ek hissa faqiron aur mohtajon ke liye, ek hissa padosiyon aur rishtedaron ke liye aur ek hissa apne gharwalon ke liye.

Note:- Aqeeqe ka ghosht bacche ke maa-baap, dada-dadi, nana-nani sab kha sakte hai.

Aqeeqe ki dua:-

“Allahumma hazihi aqeeqatu ibni fulanan dammuha wa dammihi lahmuha bilahmihi azmuha biazmihi jilduha bijildihi sha’aruha bisha’arihi allahumma taqabbalha minni waja alha fidaen li-ibni minannoor”

Phir Bismillahi Allahu Akbar kehke zubah kare.

10. Halaal wa haraam jaanwar ka bayan:-

1. Jo parinde sirf murdaar khate hai wo haraam hai. Ex:- huma, gidd waghaira.

2. Jo parinde sirf panje se zakham karte hai aur shikar karte hai wo sab haraam hai. Ex:- cheel, shikra, baaz waghaira.

3. Jo darinde daton se zakham karte hai aur shikar karte hai wo sab haraam hai. Ex:- sheer, cheetah, billi, kutta, Bandar waghaira.

4. Jin jaanwaron me behta khoon hai aur wo ghans, patte waghaira khate hai danton se zakham nahi karte shikar nahi karte wo sab halal hai Ex:- Gayi, bail, bhains, bakri, oont, haran waghaira.

5. Jo parinde sirf dana khate hai panje se zakham nahi karte wo sab halal hai. Ex:- chidiya, kabutar, faakhta, teetar waghaira.

6. Jo jaanwar pani me paida hote hai aur pani me zindagi guzarte hai Ex:- maindak, cakeda, magarmach, waghaira ye sab haram hai sirf machli halal hai.

7. Jo jaanwar zameen ke andar rehte hai. Ex:- chuha, chichundar, ghoons waghaira sab haram hai magar khargoosh halal hai.

8. Jin jaanwaron me khoon nahi rehta. Ex:- makhhi, macchar, makdi, bichchu, chunti, deemak, sab haram hai lekin tiddi halal hai.

11. Janaze ke Masail

Namaz e Janaza ke ahkam:-

Namaz e Janaza farz e kifaya hai.

Namaz e Janaza ke sharayat 2 qisam ke hai:-

1. Namaz padhne wale ke mutaluq.

2. Mayyat ke mutaluq.

Namaz padhne wale ke sharayat hazbe zail hai:-

1. Taharat.

2. Satre aurat.

3. Isteqbal e qibla.

4. Niyyat.

5. Waqt ki koi shart nahi.

6. Namaz e Janaza me namaz chootne ka khauf hoto tayammum jaiz hai.

7. Namaz padhane wale ko tayammum jaiz nahi.

Namaz e Janaza ke 2 rukun hai:-

1. 4 martaba Allahu Akbar kehna.

2. Khade hokar namaz padhna.

Namaz e Janaza me 3 sunnatein hai:-

1. Hamd wa sana padhna.

2. Durood e shareef padhna.

3. Dua karna.

Note:- 3 waqton me Namaz e Janaza padhna mana hai:-

1. Suraj nikalte waqt.

2. Suraj doobte waqt.

3. Teekh dopahar ko.

Namaz e Janaza padhane ka haq kisko hai:-

1. Namaz e Janaza ki Imamat ka sabse ziada haq baadshah ko hai.

2. Hakim e shahar ko.

3. Qazi ko.

4. Mayyat ke auliya ko.

5. Mohalle ke Imam ko.

6. Jisko wali ijazat dein.

Note 1:- Agar wali ki ijazat ke baghair kisi ayse shakhs ne namaz padhayi jisko Imamat ka haq nahi to wali ko Ikhtiyar hai ke dubara namaz padhaye.

Note 2:- Mustahaq e Imamat shakhs ke namaz padha dene par wali ko lautane ka haq nahi.

Note 3:- Jin cheezon se namaz toot ti hai unse janaze ki namaz bhi toot jaati hai.

Note 4:- Janaze ki namaz masjid ke andar padhna Makru e Tehrimi hai. Isse sawab khatam hojata hai. Agar koi majburi hoto koi haraj nahi.

Namaz e Janaza ka Masnoon wa Mustahab tariqa

Namaz e Janaza ka tariqa:- Mayyat ko aage rakhkar Imam sine ke muqabil khada hojaye, phir imam aur tamaam muqtadi Namaz e Janaza ki niyyat kare ye ke Namaz e Janaza farz e kifaya padhta hoon main Allah tala ke waste aur dua karta hoon main is mayyat ke waste moo mera ka’abe shareef ki taraf tabe imam ke. Phir dono haath misle Takbeer e Tehrima ke kanoo tak uthakar ek martaba Allahu Akbar kehkar hatoon ko namaz ki tarha naaf ke nichein bandhle aur Sana padhe “Subhanakallahumma Wa Bihamdika Wa Tabara Kasmuka Wa Ta’aala Jadduka Wa Jalla Sanaauka Walailaha Ghairuk”. Phir dusiri dafa Allahu Akbar kahe lekin is dafa haath na uthaye phir Durood e Ibhrahim padhe jo namaz mein padhte hai, phir tisiri dafa Allahu Akbar kahe iske baad mayyat ke liye dua padhein.

Baligh mayyat ki dua:- “Allahummagfirli Hayyina Wa Mayyatina Wa Shaahidina Wa Gaayibina Wa Sagheerina Wa Kabeerina Wa Zakarina Wa Unsaana. Allahumma Mann Ahyaytahu Minna Fa Ahyihi Alal Islam Wa Mann Tawaffaitahu Minna Fatawaffahu Alal Imaan”.

Na-Baligh ladke ki dua:- “Allahummaj Al Hulana Faratanwn Waja Al Hulana Ajraunwazugra Waja Al Hulana Shafiunw Wa Mushaffa’a”.

Na-Baligh ladki ki dua:- “Allahummaj Al Halana Faratanwn Waja Al Halana Ajraunwazugra Waja Al Halana Shafiunw Wa Mushaffa’a”.

Phir chauti dafa Allahu Akbar kahein aur dayein bayein salam pherdein jis tarha namaz mein phertei hai. Janaze ki namaz mein mustahab hai ke hazireen ki teen saffein ki jaye yahan tak ke agar sirf 7 admi hoto unmein se ek imam bane phir pehli saff mein teen aadmi khade ho aur dusiri saff mein do admi aur tisiri saff mein ek admi.

12. Mayyat, Kafan & Dafan ke Masail

Mayyat ke sharayat:-

1. Mayyat ka musalman hona.

2. Mayyat ka badan pak hona.

3. Mayyat ka kafan pak hona (mayyat ko ghusl aur kafan ke baad na-pak hojaye to koi haraj nahi.

4. Mayyat ke jism ka poshida hona (satre aurat hona).

5. Mayyat ka maujood hona.

6. Mayyat ka namaz padhne walon ke aage hona.

7. Jis cheez par Mayyat ho uska zameen par rakha hua hona.

8. Imam ka baligh hona.

Mayyat ke kafan ke mutaluq ahkaam bayan karte huye Mard aur Aurat aur Bacche ke kafan ki tafseel bayan kijiye.

Kafan aur uske mutaluq ahkaam:-

1. Mayyat ko kafan dena (ghusl ki tarah) farz e kifaya hai.

2. Mard ke kafan mein 3 kapde masnoon hai. 1. Chadar, 2. Tehbandh, 3. Kafni. Aur aurat ke kafan mein 5 hai. 1. Chadar, 2. Tehbandh, 3. Kafni, 4. Seena bandh, 5. Oodhni. Note:- Chadar ki miqdaar utni honi chahiye jo sir se lekar payr tak kaafi ho, Tehbandh bhi goya chadar hi hai lekin pehli chadar se kisi qadar choti ya bhi sir se payr tak hoti hai. Kafni ek qisam ka kurta hai, jo garden se lekar payr tak hota hai. Magar usmein asteen wa kali nahi hoti. Seena bandh ki miqdar seene se lekar ranoo tak aur oodhni 3 haat tool 2 baalish arz.

3. Agar kafan masnoon na mile toh mard ko sirf do kapde chadar, tehbandh aur aurat ko 3 kapde chadar, tehbandh aur oondhni bhi kafi hai.

4. Qudrat hone par mard ko 3 aur aurat ko 5 kapdoon se kam nahi dena chahiye aur usmein ziadati bhi jaiz nahi.

5. Chote baccho ko ek-do kapdoon mein kafan dena jaiz hai.

6. Shaheed ko kafan dene ki zaroorat nahi, balke pehne hue khoon aaluda kapdoon mein hi dafnadein.

Dafan aur uske mutaliq Ahkam:-

1. Mayyat ka dafan karna bhi farz e kifaya.

2. Mayyat ka usi jagah ke qabaristan me dafan karna behtar hai jahan wo mara ho, agarche wo wahan ka rehne wala naho.

3. Qabar ki 2 qismein hai:- (A) Bagli jisko lehad kehte hai, aur bagli banana sunnat hai. (B) Qabar sandukhi jisko shaq kehte hai.

4. Qabar ki laambaan mayyat ke qadh (height) ke barabar ho aur chaudaan aadah qadh barabar aur gehrayi bhi seene ke barabar ho.

5. Jab qabar tayyar hojaye to mayyat ko qible ki taraf se utaarein aur “Bismillahi wa ala millati Rasoolillah” kehte huye qabar me rakh dein.

6. Phir kafan ki girhein khol dein (gheeti khol dein).

7. Aurat wa mard ki qabar aur unke dafan karne ka tariqa eksa hai.

8. Kacchhi intoon se qabar ko bandh karde.

9. Phir jis qadar mitti qabar se nikli ho wo sab qabar par daal dein.

10. Pehle har aadmi apne dono haathon se 3-3 dafa mitti dalein.

11) Pehli dafa “Minha qalaqnakum” kahein.

12) Dusiri dafa “wa fiha nueedukum” kahein.

13) Phir tisiri dafa “wa minha nukhrijukum taaratan ukhraa” kahein.

14) Mustahab hai ke qabar par pani chidke aur ek sabz (green) daali bhi laga dein.

15) Aur kuch deir qabar ke paas tehre rahein aur Sureh Baqra ki aayatein sarhane “Alif Laam Meem se Muflihoon” tak aur paayti (pair ke paas) “Aamanar Rasoolu” se Aakhri Sureh tak padhna mustahab hai.

16) Mayyat ko talqeen aur uske liye Dua e khair karein.

17) Aur is tarha kahein “Ya fulanu ibnu fulanun uzkur maakunta alaihi wa qul Radhitu billahi Rabban wa bil Islami Deenan wa bi Mohammadin Nabiyyan”.

18) Qabar ka zameen se ek baalisht oonchi karke banana masnoon (Sunnat) hai.

Mayyat ko ghusl dene ka tariqa:-

1. Mayyat ko ghusl dena farz e kifaya hai.

2. Ghusl ke liye pani garam karlein aur usme bari ke patte daalein.

3. Mayyat ko takht par lita dein.

4. Phir uske jism se tamaam kapdein utar lein, lekin naaf se ghutno tak ek kapda daldein.

5. Ghusl dene waala apne haaton par kapda lapetkar sharamgah dhoye.

6. Uske baad wuzu karayein.

7. Jab wuzu hojaye to mayyat ke moo, naak aur kaan mein ruyein (cotton) lagadein ta ke ghusl ka pani na bhar jaye.

8. Phir sar ke baal sabon (soap) se acchi tarha dhoyein.

9. Phir mayyat ko bayein karwat lita kar neem garam pani daalna shuru kare aur sar se paon tak 3 martaba itna pani daalein ke takhte ke neeche tak pahunch jaye.

10) Phir dusiri martaba uske dayein karwat litakar sar se pair tak 3 dafa pani daalein.

11) phir Ghusl dene waala mayyat ki kamar ki taraf se usko sahara dekar kisi qadar bithane ke qareeb karde aur aahista-aahista uska payt upar se niche ki taraf modein.

12) Iske baad phir bayein litake dayein karwat par 3 dafa pani bahadein.

13) Iske baad moo, naak aur kaan se ruin (cotton) nikal dein aur mayyat ka badan kisi pak kapde se khushk karein aur usko takht se uthakar kafan par laakar rakh dein, khushbu aur kafoor lagayein.

Note 1:- Shaheed ko ghusl dene ki zarurat nahi ushi halat me usko dafan kardiya jaye.

Note 2:- agar koi baccha paida hote hi mar jaye to usko ghusl dena farz hai, aur agar mara hua paida hoto behtar yehi hai ke usko bhi ghusl diya jaye.

Note 3:- sadi huwi mayyat par sirf pani bahadena kaafi hai.

Note 4:- agar koi na-pak mard ya aurat mayyat ko ghusl dede to hojayega, lekin makru hai.

Note 5:- mayyat ke badan par kangi na karein, na baal katein aur na nakhoon.

Note 6:- Mayyat ka ghusl diya huwa pani na-pak hai.

All Islamic courses notes (click here)